ពីឡុតសង្ហាបំផុតនៅកូរ៉េខាងត្បូង កំពុងធ្វើឱ្យបេះដូងនារីៗលោតខុសចង្វាក់ ពេលឃើញរូបថតក្រៅម៉ោងការងារ

អ្នកបើកយន្តហោះសង្ហាបំផុតរបស់ក្រុមហ៊ុនអាកាសចរណ៍ជាតិ Korea Air មកពីកូរ៉េខាងត្បូងម្នាក់ បាននឹងកំពុងតែធ្វើឱ្យនារីៗញាប់ញ័របេះដូងស្ទើរលោតចង្វាក់ និង ទទួលបានការចាប់អារម្មណ៍ខ្លាំងពីបណ្តាអ្នកប្រើប្រាស់ប្រព័ន្ធអ៊ីនធឺណេត បន្ទាប់ពីរូបថតដ៏សង្ហារបស់គេជាច្រើនសន្លឹកត្រូវបានបង្ហោះចែកចាយ។

យ៉ាងណាមិញ បើតាមការឱ្យដឹងពីសារព័ត៌មានក្នុងស្រុកមួយបានបង្ហោះថា កំលោះអ្នកបើកយន្តហោះរូបនេះមានឈ្មោះ Sgil សញ្ជាតិកូរ៉េខាងត្បូង មានកម្ពស់ ១.៨៧cm ,ទម្ងន់ ៩២ kg។

ជាមួយគ្នានោះដែរ ដោយសារតែ Sgil បានបង្ហោះរូបថតក្នុងឯកសណ្ឋានអ្នកបើកយន្តហោះ និង រូបភាពសង្ហាៗជាច្រើននៅលើគណនីអ៊ីនស្តាក្រាមផ្លូវការរបស់គេជារឿយៗ ទើបមានគេយករូបដែល Sgil បង្ហោះមកចែកចាយបន្ត ថែមទាំងទទួលបានពាក្យសរសើរជាច្រើនថាមិនត្រឹមតែពូកែនោះទេ តែកំលោះ Sgil ថែមទាំងសង្ហាខ្លាំង សាច់ដុំកង់ៗ ធ្វើឱ្យនារីៗឃើញហើយចង់កក់ជើងហោះហើរ Korea Air ដើម្បីបានជួបមុខលោក៕