កម្មវិធី Cambodian Idol រដូវកាលទី ៣ មកដល់ទៀតហើយ កុំភ្លេចទស្សនាយប់នេះ ! (មានវីដេអូ)
ការទន្ទឹងរង់ចាំរបស់លោកអ្នកដែលចង់ដឹង ចង់ឃើញពីទេព្យកោសល្យសមត្ថភាពសំឡេងរបស់ បេក្ខជន បេក្ខនារី នៅក្នុងកម្មវិធីប្រឡងចម្រៀងលំដាប់ថ្នាក់ពិភពលោក គឺកម្មវិធី Cambodian Idol ឥឡូវនេះចាប់ផ្តើមរដូវកាលទី ៣ ក្នុងយប់នេះហើយ ។
នៅចាំបានថា កម្មវិធីនេះគឺចាប់តាំងពីរដូវកាលទី ១ រហូតដល់រដូវកាលទី ២ ទទួលបានការគាំទ្រយ៉ាងខ្លាំងបំផុតពីទស្សនិកជនទូទាំងប្រទេសកម្ពុជា និង លើពិភពលោកផងដែរ ។ ជាក់ស្តែងជ័យលាភីពីររដូវកាលកន្លងទៅគឺលោក នី រតនា និង កញ្ញា ឈិន ម៉ានិច ទទួលបានការគាំទ្រ និង ជោគជ័យយ៉ាងខ្លាំងក្នុងវិថីសិល្បៈបន្ទាប់ពីជាប់ក្នុងវិធីដ៏ល្បីនេះ ។
ចង់ដឹងថាកម្មវិធីដ៏អស្ចារ្យនេះនឹងកាន់តែប្លែក កាន់តែរំភើបរីករាយយ៉ាងណាខ្លះជាមួយសមត្ថភាព និង ទេពកោសល្យ សំឡេងរបស់ បេក្ខជន បេក្ខនារី ដែលនឹងមកបញ្ចេញសមត្ថភាពនៅចំពោះមុខគណៈកម្មការទាំងបួនរូបក្នុងរដូវកាលទី ៣ នេះ កុំភ្លេចរង់ចាំទស្សនាកម្មវិធីប្រឡងចម្រៀងលំដាប់ថ្នាក់ពិភពលោក Cambodian Idol រដូវកាលទី ៣ វគ្គ JUDGE AUDITIONS នារាត្រីនេះនៅលើកញ្ចក់ទូរទស្សន៍ហង្សមាស HDTV ចាប់ពីម៉ោង ៨ យប់ តទៅ ។
កម្មវិធី Cambodian Idol រដូវកាលទី ៣ នេះទទួលបានការចូលរួមឧបត្ថម្ភពីភេសជ្ជៈប៉ូវកម្លាំង ខារ៉ាបាវ ប្រេងកូឡា Siang Pure សញ្ញារូបតាប៉ិ និង ភេសជ្ជៈ Ichitan ៕
