នៅថ្ងៃទី ១២ ខែវិច្ឆិកា ឆ្នាំ ២០២៤ នេះ ទូរទស្សន៍ជាតិកម្ពុជា-ទទក បានចេញសេចក្តីជូនដំណឹង ស្តីពីការអុជកាំជ្រួចអបអរសាទរ ព្រះរាជពិធីបុណ្យអុំទូក បណ្តែតប្រទីប និង សំពះព្រះខែ អកអំបុក ឆ្នាំ ២០២៤។
តាមរយៈសេចក្ដីជូនដំណឹង បានបញ្ជាក់ឱ្យបានដឹងថា ក្នុងឱកាសរៀបចំព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ ២០២៤ ដែលនឹងប្រព្រឹត្តទៅនៅពេលខាងមុខនេះ គណៈកម្មាធិការជាតិរៀបចំបុណ្យជាតិ-អន្តរជាតិ នឹងមានការចាត់តាំងអុជកាំជ្រួច នៅមុខព្រះបរមរាជវាំង តាមកាលបរិច្ឆេទដូចខាងក្រោម៖
-ថ្ងៃទី ១៤ ខែវិច្ឆិកា ឆ្នាំ ២០២៤ វេលាម៉ោង ១៩:០០ នាទីយប់។
-ថ្ងៃទី ១៥ ខែវិច្ឆិកា ឆ្នាំ ២០២៤ វេលាម៉ោង ១៩:០០ នាទីយប់ និង ម៉ោង ២៤:០០ នាទី អធ្រាត្រ។
-ថ្ងៃទី ១៦ ខែវិច្ឆិកា ឆ្នាំ ២០២៤ វេលាម៉ោង ១៩:០០ នាទីយប់។
គួរឱ្យដឹងផងដែរថា ក្នុងឆ្នាំ ២០២៤ នេះ ព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក នឹងប្រព្រឹត្តទៅរយៈពេល ៣ ថ្ងៃ ចាប់ពីថ្ងៃទី ១៤ ដល់ថ្ងៃទី ១៦ ខែវិច្ឆិកា ឆ្នាំ ២០២៤៕
សូមទស្សនាវីដេអូនៅខាងក្រោម ៖
