ប្រាប់តៗគ្នា! ខែវិច្ឆិកានេះ ទិសខាងលិចជាទិសស៊យខ្លាំង ហាមជួសជុល ស្វានដំ បង្កសំឡេងក្តុងក្តាំងនៅទិសហ្នឹង ប្រយ័ត្នស៊យធំ

កាលពីថ្ងៃទី ១៨ ខែវិច្ឆិកា ឆ្នាំ ២០២៤ កន្លងទៅនេះ តាមរយៈផេក Master Naly Fengshui ដែលជាផេកផ្លូវការរបស់អ្នកគ្រូ ណាលី ជាគ្រូហុងស៊ុយបែបវិទ្យាសាស្ត្រដ៏មានប្រជាប្រិយភាពមួយរូបនៅកម្ពុជា បានចែករំលែកពីចំណេះដឹងផ្នែកហុងស៊ុយ ផ្ដោតទៅលើទិសដែលស៊យខ្លាំងប្រចាំខែវិច្ឆិកា ឆ្នាំ ២០២៤ នេះ ដែលស្ថិតនៅទិសខាងលិច។

តាមរយៈប្រភព អ្នកគ្រូហុងស៊ុយ ណាលី បានបញ្ជាក់ឱ្យដឹងថា ទិសស៊យខ្លាំងប្រចាំខែវិច្ឆិកា គឺទិសខាងលិច ដូចនេះហាមជួសជុល ស្វានដំ ឬ បង្កសំឡេងក្តុងក្តាំង នៅចំទិសដែលបានបញ្ជាក់ខាងលើ ដើម្បីជៀសវាងការមានជម្លោះ ការទាស់សម្តី ការឈឺថ្កាត់ និង ការរាំងស្ទះផ្នែកហិរញ្ញវត្ថុ និង មានចោរចូលផ្ទះ ជាដើម។

គួរឱ្យដឹងផងដែរថា អ្នកគ្រូហុងស៊ុយ ណាលី គឺម្ចាស់ក្រុមហ៊ុន ម៉ាស្ទ័រ ណាលីហុងស៊ុយ ដែលមានឈ្មោះល្បីល្បាញ និង ត្រូវបានមហាជនអ្នកប្រើប្រាស់បណ្ដាញសង្គមស្គាល់ តាមរយៈការចែករំលែកចំណេះដឹងល្អៗតាមរយៈក្បួនហុងស៊ុយបែបវិទ្យាសាស្ត្រនៅក្នុងជីវិតរស់នៅ ក៏ដូចជាការណែនាំពីការរៀបចំពិធីនានាឱ្យបានត្រឹមត្រូវតាមក្បួនហុងស៊ុយផងដែរ៕