ថ្មីៗនេះ មានការសិក្សាមួយបានរកឃើញថា គ្រឿងសម្ភារប្រើប្រាស់ផ្ទះបាយដែលមានពណ៌ខ្មៅ គឺមានផ្ទុកសារធាតុបង្កមហារីកខ្ពស់ ដែលយើងរឹតតែប្រើរឹតតែបង្កឱ្យមានគ្រោះថ្នាក់ដល់សុខភាពដោយមិនដឹងខ្លួន។
ការសិក្សាមួយនេះ ត្រូវបានធ្វើឡើងដោយវិទ្យាស្ថាន Toxic-Free Futures Research Institute និង វិទ្យាស្ថាន Amsterdam Institute for Life and the Environment របស់សកលវិទ្យាល័យ Amsterdam របស់ប្រទេសហូឡង់។ តាមការសិក្សាបានឱ្យដឹងថា ប្លាស្ទិកពណ៌ខ្មៅដែលមានសារធាតុ Retardant ជាសារធាតុធន់នឹងភ្លើង វាត្រូវបានប្រើសម្រាប់ផលិតគ្រឿងអេឡិចត្រូនិចពណ៌ខ្មៅ ប៉ុន្តែអាចត្រូវបានគេយកទៅកែច្នៃប្រើប្រាស់ឡើងវិញឱ្យទៅជាគ្រឿងសម្ភារក្នុងផ្ទះបាយ ដែលនេះគឺជាឱកាសបង្កឱ្យមនុស្សមានគ្រោះថ្នាក់ដល់សុខភាពដោយមិនដឹងខ្លួន។
អ្នកស្រាវជ្រាវក៏បានបញ្ជាក់បន្ថែមថា បញ្ហាសុខភាពទាក់ទងនឹងការប៉ះពាល់នឹងសារធាតុនេះ រួមមាន ជំងឺមហារីក ការប៉ះពាល់ដល់ក្រពេញ endocrine ប្រព័ន្ធសរសៃប្រសាទ និង ប្រព័ន្ធបន្តពូជ រួមទាំងប៉ះពាល់ដល់ទារកក្នុងផ្ទៃចំពោះស្ត្រីមានផ្ទៃពោះទៀតផង។ ទន្ទឹមនឹងនេះដែរ Heather Stapleton សាស្ត្រាចារ្យជំនាញនៅវិទ្យាស្ថាន Roni-Richelle Garcia-Johnson នៃសាកលវិទ្យាល័យ Duke ក៏បានណែនាំផងដែរថា គួរតែកាត់បន្ថយការប្រើប្រាស់សម្ភារដែលធ្វើឡើងពីប្លាស្ទិកពណ៌ខ្មៅនេះ គួរតែប្រើប្រាស់សម្ភារច្នៃពីឈើ ដែក ឬ សេរ៉ាមិចវិញ ប៉ុន្តែត្រូវលាងសម្អាត និង សម្លាប់មេរោគឱ្យបានត្រឹមត្រូវជាមុនផងដែរ៕
ប្រភព៖ Khaosod
