ពិតជាអស្ចារ្យណាស់ ! ការលក់ Samsung Galaxy S10 និង S10+ កើនឡើងលើសពីការរំពឹងទុក !
មួយរយៈចុងក្រោយនេះទីផ្សារនៃបច្ចេកវិទ្យាស្មាតហ្វូនហាក់ដូចជាឡើងកំដៅខ្លាំងដោយក្រុមហ៊ុនធំៗបានបញ្ចេញនូវផលិតផលពិសេសរបស់ខ្លួនជាមួយបច្ចេកវិទ្យាកំពូលៗ ដែលធ្វើឱ្យអ្នកប្រើប្រាស់ស្មាតហ្វូនជាច្រើនកំពុងតែធ្វើការសម្រេចចិត្ត ថាតើស្មាតហ្វូនមួយណាដែលពួកគេត្រូវជ្រើសរើស និង ស័កិ្តសមបំផុតសម្រាប់ពួកគេ ។
ក្នុងពេលនេះ យើងសង្កេតឃើញថា បន្ទាប់ពីក្រុមហ៊ុនបច្ចេកវិទ្យាយក្ស សាមសុង បានបញ្ចេញនូវកំពូលស្មាតហ្វូនប្រចាំឆ្នាំរបស់ខ្លួនស៊េរី Samsung Galaxy S10 និង S10+ កាលពីខែកុម្ភៈកន្លងទៅនេះរួចមក ទីផ្សារទាំងមូលផ្អើលឈូឆរជាមួយនឹងបច្ចេករិទ្យា និង សោភ័ណភាពរបស់ផលិតផលមួយនេះ ។ ជារួមក្រុមហ៊ុន សាមសុង ពិតជាធ្វើបានល្អឥតខ្ចោះ និង បំពេញចិត្តអ្នកប្រើប្រាស់ក៏ដូចជាអតិថិជនទាំងអស់ទូទាំងពិភពលោកឱ្យងាកមកទទួលយកបទពិសោធដ៏អស្ចារ្យបំផុតនៃកំពូលស្មាតហ្វូនដ៏ល្អឯកគ្មានគូប្រៀបទាំងពីរនេះ ។
ជាក់ស្តែងក្នុងទីផ្សារប្រទេសកម្ពុជាសម្រាប់ម៉ូដែល Samsung Galaxy S10 និង S10+ ពិតជាបានទទួលការស្រឡាញ់គាំទ្រ និង លក់ដាច់យ៉ាងច្រើនលើសលុបលើសពីការរំពឹងទុក ។ បើតាមប្រសាសរបស់លោក រតនា សោភ័ណ ដែលជាប្រធានគ្រប់គ្រងផ្នែកផលិតផលទូរស័ព្ទដៃនៃក្រុមហ៊ុនសាខាថៃ សាមសុង អេឡិចត្រូនិក ប្រចាំព្រះរាជាណាចក្រកម្ពុជាបានប្រកាសថា កំពូលស្មាតហ្វូន Samsung Galaxy S10 និង S10+ ពិតជាលក់ដាច់ខ្លាំងមែនទែនហើយមានកំណើនស្មើ ១២៥% (កើនឡើង ២៥%) ធៀបនឹងការលក់របស់ Samsung Galaxy S9 | S9+ ក្នុងឆ្នាំកន្លងទៅ រហូតដល់ថ្នាក់ស្ទើរតែដាច់ស្តុកតាមដេប៉ូចែកចាយរបស់ផលិតផល សាមសុង ផងដែរ ! ។លោកបានបន្ថែមទៀតថាទាំងខ្លួនលោកផ្ទាល់ និង ក្រុមហ៊ុន សាមសុង នឹងខិតខំព្យាយាមឱ្យអស់ពីលទ្ធភាពដើម្បីធ្វើការផ្តល់ជូនស្មាតហ្វូនដ៏ល្អឥតខ្ចោះទាំង ២ ស៊េរីនេះជូនដល់អតិថិជនទាំងអស់មិនឱ្យទាស់ចិត្តឡើយ ។
ដូច្នេះគ្មានហេតុផលអ្វីដែលធ្វើឱ្យលោកអ្នកស្ទាក់ស្ទើរចិត្តក្នុងការជ្រើសរើសយកស្មាតហ្វូនលំដាប់កំពូលក្នុងក្តីស្រម៉ៃដែលខ្លួនតែងតែប្រាថ្នាចង់បានក្នុងដៃទៀតឡើយ ។ ហើយខាងក្រោមនេះគឺជាតម្លៃ និង ពណ៌របស់ Galaxy S10 និង S10+ ដែលផ្តល់ជូន ៖
– S10 ទំហំ 8GB+128GB = $899 មាន ៣ ពណ៌ ៖ ពណ៌ស, ខ្មៅ និង បៃតង
– S10+ ទំហំ 8GB+128GB= $989 មាន ៣ ពណ៌ ៖ ពណ៌ស, ខ្មៅ និង បៃតង
លោកអ្នកក៏អាចរកជាវកំពូលស្មាតហ្វូន Samsung Galaxy S10 និង S10+ បាននៅតាមហាង ឬដេប៉ូចែកចាយទូរស័ព្ទដៃ និង ផលិតផល សាមសុង ទាំងអស់ក្នុងប្រទេសកម្ពុជាដែលនៅជិតលោកអ្នកបំផុត ឬក៏អាចទំនាក់ទំនងមកកាន់លេខ 1800 20 3232 ៕
