(វីដេអូ) ឡូយខ្លាំង! Taeyang និង Lisa ពួតដៃគ្នាចេញចម្រៀងលើកដំបូង ផ្ទុះការចាប់អារម្មណ៍ព្រាត

នៅថ្ងៃទី ២៥ ខែមេសា ឆ្នាំ ២០២៣ នេះ កំពូលតារាចម្រៀងដ៏ល្បី Taeyang សមាជិកក្រុម BigBang បានចេញ MV បទចម្រៀងជាផ្លូវការ ដែលមានចំណងជើងថា «Seed» ក្នុងអាល់ប៊ុម «EP [Down to Earth]» ទទួលបានការគាំទ្រយ៉ាងក្រាស់ក្រែលពីសំណាក់មហាជន។

ដោយឡែក អ្វីដែលកាន់តែចាប់អារម្មណ៍ជាងនេះទៅទៀតនោះ គឺបទចម្រៀងមានចំណងជើងថា «Shoong» សហការណ៍ច្រៀងរួមគ្នាយ៉ាងពិសេស ជាមួយនឹងកំពូលតារាស្រី Lisa សមាជិកក្រុមចម្រៀង Blackpink ក៏បានចេញជាផ្លូវការក្នុងពេលដំណាលគ្នាជាមួយបទចម្រៀងខាងលើដែរ។

ទោះជាយ៉ាងណា បទចម្រៀង «Shoong» នេះ មិនទាន់ចេញជាផ្លូវការនៅឡើយទេ ពោលគឺពួកគេគ្រាន់តែចេញវីដេអូបែប Performance Video លាយឡំជាមួយនឹងក្បាច់រាំយ៉ាងរស់រវើក ជក់ចិត្តតែប៉ុណ្ណោះ ប៉ុន្តែកំពុងទទួលបានការចូលទស្សនា និង ការគាំទ្រយ៉ាងច្រើនពីសំណាក់មហាជនរួចទៅហើយ។

ចង់ជ្រាបកាន់តែច្បាស់ ថាបទចម្រៀង «Shoong» ពីរោះទាក់ទាញ ព្រមទាំងក្បាច់រាំមានភាពស្វាហាប់កម្រិតណា សូមរីករាយទស្សនាវីដេអូខាងក្រោម​ ៖