អាយុ ៤៤ ឆ្នាំ មានកូន ៣ នាក់ តែ Mathew នៅធ្វើឱ្យអ្នកគាំទ្របវរកញ្ញាស្រឡាំងកាំងនឹងភាពសង្ហាទៀត

ដូចដែលប្រិយមិត្តបានដឹងហើយថាកាលពីរាត្រីថ្ងៃទី ២៥ ខែតុលា ឆ្នាំ ២០២២ កន្លងទៅនេះ កម្មវិធីប្រកួតសម្រស់ដ៏ធំលំដាប់ពិភពលោក Miss Grand International បានបញ្ចប់ទៅរលូន។ ក្នុងនោះ កម្មវិធីក៏បានរកឃើញដូចគ្នានូវម្ចាស់មកុដថ្មីដែលបានទៅលើបវរកញ្ញាមកពីប្រទេសប្រេស៊ីល នាង Isabella Menin។

សម្រាប់ឆ្នាំនេះ កម្មវិធីបានរៀបចំយ៉ាងអធិកអធម និង មានការរៀបចំឆាកយ៉ាងប្រណីតដើម្បីអបអរខួបទី ១០ ដែលកម្មវិធីបានបង្កើតឡើង។ គ្រប់ការរៀបចំសុទ្ធតែធ្វើឱ្យមហាជនពេញចិត្តស្ទើរតែគ្មានការខ្វះចន្លោះឡើយ។ ដោយឡែក ងាកទៅមើលពិធីករឯណោះវិញក៏រឹតតែធ្វើឱ្យអ្នកគាំទ្រពេញចិត្តខ្លាំងទៀត ព្រោះឆ្នាំនេះតារាសម្ដែង និង ពិធីករថៃលោក Mathew ជាអ្នកធ្វើ។

បើនិយាយពីតារាប្រុស Mathew វិញ បច្ចុប្បន្នមានអាយុ ៤៤ ឆ្នាំ និង មានកូនចំនួន ៣ នាក់ហើយ តែបើនិយាយពីរូបសម្រស់វិញតារាប្រុសរូបនេះនៅតែសង្ហា។ តួយ៉ាងកាលពីរាត្រីថ្ងៃផ្ទេរមកុដ ទី ២៥ ខែតុលា ឆ្នាំ ២០២២ កន្លងទៅ មានមហាជនអ្នកស្នេហ៍វិស័យបវរកញ្ញាមិនតិចនោះទេដែលចាប់អារម្មណ៍ និង លង់ស្នេហ៍នូវរូបសម្រស់ ក៏ដូចជាវោហារសព្ទរបស់លោក៕