ប្រាប់បន្ដគ្នាផង! នៅភ្នំពេញ ៧ ទីតាំងនេះ នឹងមានការផ្សាយបន្តផ្ទាល់ការប្រកួតបាល់ទាត់ក្នុងព្រឹត្តិការណ៍ស៊ីហ្គេម

នៅថ្ងៃទី ២៦ ខែមេសា ឆ្នាំ ២០២៣ នេះរដ្ឋបាលរាជធានីភ្នំពេញ បានជូនដំណឹងជាសាធារណៈថា នៅរាជាធានីភ្នំពេញនឹងមានទីតាំងចំនួន ៧ ដែលមានរៀបចំផ្សាយបន្តផ្ទាល់ការប្រកួតបាល់ទាត់ក្រុមជម្រើសជាតិកម្ពុជា ក្នុងព្រឹត្តិការណ៍ប្រកួតកីឡាអាស៊ីអាគ្នេយ៍លើកទី ៣២។

យោងតាមសេចក្ដីជូនដំណឹងបានឱ្យដឹងថា ក្រោយពីទទួលបានប្រសាសន៍ណែនាំដ៏ខ្ពង់ខ្ពស់របស់សម្ដេចតេជោ ហ៊ុន សែន កាលពីថ្ងៃទី ២៥ ខែមេសា ឆ្នាំ ២០២៣ កន្លងទៅ និង ដើម្បីចូលរួមអបអរសាទរព្រឹត្តិការណ៍ប្រកួតកីឡាអាស៊ីអាគ្នេយ៍លើកទី ៣២ ក្នុងឱកាស ដែលកម្ពុជា ធ្វើជាម្ចាស់ផ្ទះរដ្ឋបាលរាជធានីភ្នំពេញ នឹងសហការជាមួយសហភាពសហព័ន្ធយុវជនកម្ពុជា (ស.ស.យ.ក) រៀបចំផ្សាយបន្តផ្ទាល់ការប្រកួតបាល់ទាត់របស់ក្រុមជម្រើសជាតិកម្ពុជា ក្នុងព្រឹត្តិការណ៍ស៊ីហ្គេមចាប់ពីថ្ងៃទី ២៩ ខែមេសា ដល់ថ្ងៃទី ១៦ ខែឧសភា ឆ្នាំ ២០២៣។

ដោយឡែក សម្រាប់ទីតាំងដែលនឹងមានការផ្សាយបន្តផ្ទាល់ទាំង ៧ កន្លែងមានដូចជា៖

១. សួនច្បារមុខវត្តបទុមវតី

២. សួនច្បារមាត់ទន្លេទល់មុខភោជនីយដ្ឋានមេត្រូ

៣. ក្នុងបុរីប៉េងហួតបឹងស្នោរ

៤. សួនច្បារមិត្តភាពក្បែរក្រសួងការពារជាតិ

៥. សួនច្បារទល់មុខវិទ្យាស្ថានស្រាវជ្រាវ និង អភិវឌ្ឍន៍ព្រៃឈើ-សត្វព្រៃ

៦. សួនច្បារព្រះនាងប្រាជ្ញាបារមី

៧. និង ទីលានប្រជាធិបតេយ្យ។

សម្រាប់ព័ត៌មានលម្អិតបន្ថែម សូមអានសេចក្ដីជូនដំណឹង ដែលមានភ្ជាប់ជូនខាងក្រោម៖