មើលចិត្តគ្នាមកច្រើនឆ្នាំ! ពេលនេះ Kootee តួសម្ដែងរឿង «ខ្មោចត្រឡោកបែក» ដឹកដៃគូស្នេហ៍រៀបការហើយ

បន្ទាប់ពីមើលចិត្តគ្នាមកច្រើនឆ្នាំ និង សិក្សាស្វែងយល់ពីគ្នាបានច្បាស់លាស់ នៅថ្ងៃទី ១៧ ខែធ្នូ ឆ្នាំ ២០២៣ កន្លងទៅ តារា​សម្ដែង​កំប្លុកកំប្លែង Kootee ដែលមហាជនភាគច្រើនស្គាល់ថា Pancake ក្នុងរឿង «ខ្មោចត្រឡោកបែក» បានកាន់​ដៃ​គូ​សង្សារ​បណ្ដូលចិត្តចូលរោងការទៅតាមប្រពៃណីហើយ។

ក្នុងថ្ងៃមង្គលដ៏មានន័យនោះគេឃើញថា តារាសម្ដែងប្រុស Kootee ពិតជារំភើបក្រៃលែង ព្រោះថាជាពេលវេលាដែលលោក និង សង្សារទន្ទឹងមកជាច្រើនឆ្នាំហើយ។ កម្មវិធីរៀបការនោះដែរ ក៏មានការរៀបចំយ៉ាងស្រស់ស្អាត រីឯកូនកំលោះ​កូន​ក្រមុំ​ក៏​ស្រស់​ស្អាត និង សង្ហា។

យ៉ាងណាមិញ ងាកទៅមើលភ្ញៀវកិត្តិយសដែលចូលរួមមង្គលការវិញ ក៏សុទ្ធសឹងជាតារាសម្ដែង តារាចម្រៀង និង សិល្ប​ករ​ថៃល្បីៗ។ អ្វីដែលពិសេសនោះ សម្រាប់មហាជនអ្នកគាំទ្រដែល​មិនបានចូលរួមផ្ទាល់ ក៏បាននាំគ្នា​សរសេរពាក្យជូនពរដល់​ស្វាមី​ភរិយា​ថ្មីថ្មោងនេះព្រោងព្រាតផងដែរ៕