កាលពីថ្ងៃទី ១១ ខែមករា ឆ្នាំ ២០២៣ សាកលវិទ្យាល័យភូមិន្ទភ្នំពេញ បានជូនដំណឹងពីការប្រារព្ធកម្មវិធីសប្បុរសធម៌លើកទី ១២ និង គម្រប់ខួប ៦៣ ឆ្នាំ នៃសាកលវិទ្យាល័យភូមិន្ទភ្នំពេញ។
កម្មវិធីនេះ រៀបចំដោយសាកលវិទ្យាល័យភូមិន្ទភ្នំពេញ កាកបាទក្រហមកម្ពុជា និង សហភាពសហព័ន្ធយុវជនកម្ពុជា ដែលមានកម្មវិធីធំៗជាច្រើន នឹងប្រារព្ធធ្វើឡើងចាប់ពីថ្ងៃទី ១៣ ខែមករា ឆ្នាំ ២០២៣ រហូតដល់ ថ្ងៃទី ១៥ ខែមករា ឆ្នាំ ២០២៣ ក្នុងទីតាំងសាកលវិទ្យាល័យភូមិន្ទភ្នំពេញផ្ទាល់ ដោយប្រិយមិត្តអាចចូលរួមកម្សាន្ត និង ទស្សនាបានដោយសេរី។
កម្មវិធីនេះទៀតសោត ក៏មានការសម្ដែងយុទ្ធក្រមខម ការប្រគុំតន្ត្រី ស្តង់លក់ទំនិញម្ហូបអាហារ និង សេវាកម្មផ្សេងៗ រួមទាំងមានការលេងល្បែងកម្សាន្តទៀតផង៕
រូបភាព ៖ ITC – Student
