ចម្រៀង ៣ បទ ស្នាព្រហស្តអ្នកអង្គម្ចាស់ នរោត្តម រស្មីខែមុន្នី អត្ថន័យជ្រាលជ្រៅខ្លាំង ស្តាប់ឡើងលន្លង់លន្លោច
កាល អ្នកអង្គម្ចាស់ នរោត្តម រស្មីខែមុន្នី ស្ថិតនៅវ័យកុមារ ទ្រង់ត្រូវបានសម្ដេចព្រះបរមរតនកោដ្ឋ ព្រះបាទសម្ដេច នរោត្ដម សីហនុ សព្វព្រះរាជហរទ័យជាខ្លាំង ទៅលើទេពកោសល្យផ្នែកតន្ត្រីរបស់ទ្រង់ ដោយទ្រង់ចេះលេងឧបករណ៍តន្រ្តីមួយចំនួន ហើយក៏អាចបកស្រាយបទចម្រៀងបានយ៉ាងពីរោះទៀតផង។ លុះចម្រើនព្រះជន្មពេញវ័យ ទ្រង់បានប្រើប្រាស់ទេពកោសល្យនេះ ប្រឡូកចូលក្នុងវិស័យចម្រៀង ដោយបានតែងនិពន្ធ និង ច្រៀងផលិតជាបទចម្រៀងផងដែរ។
ជាក់ស្តែង អ្នកអង្គម្ចាស់ នរោត្តម រស្មីខែមុន្នី បានបញ្ចេញចម្រៀង ៣ បទ នៅលើ Channel YouTube របស់ទ្រង់ ដោយក្នុងនោះមានបទ «You Don’t Love Me This Way», បទ « Honest (It Could’ve Been)» និង បទ «Searching»។ បទចម្រៀងទាំង ៣ បទបានចេញបន្តបន្ទាប់គ្នានៅក្នុងឆ្នាំ ២០២៣។ ជាមួយសំនៀងជាភាសាអង់គ្លេស លាយឡំអត្ថន័យប្រកបដោយមនោសញ្ចេតនា ស្តាប់ពីមួយបទទៅមួយបទ ពិតជាលន្លង់លន្លោចពីរោះជាខ្លាំង។
បទចម្រៀងនេះ ក្រៅពីបង្ហោះនៅលើ YouTube ទន្ទឹមគ្នានេះក៏ត្រូវបានដាក់បញ្ចូលទៅក្នុងកម្មវិធីស្តាប់ចម្រៀងល្បីៗលំដាប់ពិភពលោកដូចជា៖ Spotify, Apple Music, Amazon Music, Deezer និង iTunes Store៕
សូមចុចលើចំណងជើងខាងក្រោម ដើម្បីស្តាប់បទចម្រៀងទាំង ៣ បទរបស់ អ្នកអង្គម្ចាស់ នរោត្តម រស្មីខែមុន្នី៖
១. «You Don’t Love Me This Way»
២. «Honest (It Could’ve Been)»
