ផ្ទុះចាប់អារម្មណ៍ ពេលឃើញស្រីស្អាតម្នាក់កាន់ដៃ ថេណា យ៉ាងស្និទ្ធដូចគូស្នេហ៍ នៅកម្មវិធីសម្ភោធទូរស័ព្ទមួយ

ថ្មីៗនេះ តារាចម្រៀងប្រុសរូបសង្ហា ថេណា ត្រូវបានមហាជនអ្នកគាំទ្រលើបណ្ដាញសង្គមចាប់អារម្មណ៍ខ្លាំង ខណៈលោកបានបង្ហាញវត្តមានយ៉ាងស្រស់សង្ហាក្នុងនាមជាទូតសុឆន្ទៈរបស់ក្រុមហ៊ុនទូរស័ព្ទដៃ Oppo នៅក្នុងកម្មវិធីសម្ពោធជាផ្លូវការ OPPO Reno8 T Series។

ក្នុងកម្មវិធីនោះដែរ អ្វីដែលកាន់តែធ្វើឱ្យមហាជនបានផ្ទុះចាប់អារម្មណ៍ខ្លាំងទៀតនោះ ខណៈបានឃើញរូបភាព ២ សន្លឹក ដែលតារាចម្រៀងប្រុសរូបសង្ហា ថេណា និង នារីរូបស្រស់ម្នាក់ ថតរូបកាន់ដៃគ្នាយ៉ាងស្និទ្ធប្រៀបដូចគូស្នេហ៍ ដែលធ្វើឱ្យអ្នកគាំទ្រនារីៗផ្ទុះការចែករំលែកពេញបណ្ដាញសង្គម និង បានបញ្ចេញមតិវែកញែក ព្រមទាំងបង្ហាញចិត្តច្រណែនខ្លាំងជាមួយនឹងស្រីស្អាតរូបនោះ។

រូបភាពនេះដែរ បង្ហោះដោយស្រីស្អាតរូបស្រស់នោះ ដែលមានគណនីហ្វេសប៊ុកឈ្មោះ Crystal ដោយនាងពុំបានបញ្ជាក់ពីទំនាក់ទំនងរវាងនាង និង តារាប្រុសរូបនេះឡើយ ដោយគ្រាន់តែសរសេររៀបរាប់ភ្ជាប់ជាមួយរូបភាពថា ៖ «មកចូលរួមកម្មវិធីសម្ភោធជាផ្លូវការ OPPO Rena8 T Series with my heart Tena Khimphun as a new BA of»៕