លទ្ធផលចាប់ពូលបាល់ទះបុរស-នារី ក្នុងព្រឹត្តិការណ៍ស៊ីហ្គេម ២០២៣ ចេញហើយ

នៅរសៀលថ្ងៃទី ៥ ខែមេសា ឆ្នាំ ២០២៣ គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី ៣២ ឆ្នាំ ២០២៣ បានរៀបចំការចាប់ឆ្នោតបែងចែកពូលលើប្រភេទកីឡាបាល់ទាត់ និង បាល់ទះសម្រាប់ព្រឹត្តិការណ៍កីឡាស៊ីហ្គេម លើកទី ៣២ ឆ្នាំ ២០២៣។

ជាលទ្ធផលជាក់ស្ដែង សម្រាប់ពូលផ្លូវការបាល់ទះនារីក្នុងសាលក្រុម A មាន ថៃ, ឥណ្ឌូនេស៊ី, មីយ៉ាន់ម៉ា, និង ម៉ាឡេស៊ី។ ដោយឡែក ក្រុម B មានកម្ពុជា, វៀតណាម, ហ្វីលីពីន និង សិង្ហបុរី។

ចំណែកឯ លទ្ធផលផ្លូវការពូលបាល់ទះបុរសក្នុងសាលក្រុម A មានដូចជា កម្ពុជា, ឥណ្ឌូនេស៊ី, និង សិង្ហបុរី ខណៈដែលក្រុម B មានដូចជា វៀតណាម, ថៃ, ម៉ាឡេស៊ី, និង មីយ៉ាន់ម៉ា។

គួរបញ្ជាក់ដែរថា ព្រឹត្តិការណ៍ស៊ីហ្គេមឆ្នាំ ២០២៣ នឹងប្រព្រឹត្តទៅចាប់ពីថ្ងៃទី ៥ ដល់ថ្ងៃទី ១៧ ខែឧសភា ឆ្នាំ ២០២៣ ខាងមុខ៕

រូបភាពដោយ ៖ Cambodia 2023