ផ្ទុះចាប់អារម្មណ៍! រ៉ូស បង្ហាញខ្លួនជាបេក្ខភាព Miss Supranational Cambodia 2025 អាចនិយាយដល់ ៤ ភាសា
ថ្មីៗនេះ កម្មវិធីប្រកួតសម្រស់ Miss Supranational Cambodia 2025 បាន និង កំពុងចាប់ផ្តើមដំណើរការនៃការប្រកួតហើយ ដោយពេលនេះកម្មវិធីបញ្ចប់ការជម្រុះតាមរយៈរូបថត Online លើកដំបូង និង បន្តជម្រុះតាមរយៈរូបថត 𝐎𝐧𝐥𝐢𝐧𝐞 ជាលើកទី ២។
ក្នុងនោះដែរ អ្វីដែលកំពុងតែធ្វើឱ្យមហាជនមានការចាប់អារម្មណ៍នោះ ក្នុងចំណោមបេក្ខជនបានជាប់ការជម្រុះតាមរយៈរូបថត Online លើកដំបូងនេះ ក៏មានវត្តមានរបស់កញ្ញា អេនណា រ៉ូស ដែរ។
ក្រោយពីបានឃើញការចូលរួមប្រកួតរបស់កញ្ញា អេនណា រ៉ូស នេះហើយ មហាជនក៏បានចាប់ភ្លឹកនឹងការបញ្ជាក់ពីសមត្ថភាពរបស់នាង ដែលមានទេពកោសល្យអាចច្រៀង សម្តែង និង ដើរម៉ូដ។ លើសពីនោះ ក្រឡេកទៅមើលកម្រិតភាសាវិញ អេនណា រ៉ូស អាចនិយាយបានដល់ទៅ ៤ ភាសារួមមាន ភាសាខ្មែរ ចិន វៀតណាម និង អង់គ្លេស៕
