Youtuber ថៃម្នាក់ ទៅឡាយវីដេអូលើផ្លូវរថភ្លើង ពេលរថភ្លើងមកដល់គេចមិនទាន់ត្រូវអូសជាង ៥០ ម៉ែត្រ ស្ល-ា./ប់ក្នុងសភាពគួរឱ្យអាសូរ

ថ្មីៗនេះ មានករណី Youtuber ថៃម្នាក់ ប្រទះឧបទ្ទវហេតុដ៏គួរឱ្យរន្ធត់ ដោយត្រូវរថភ្លើងអូសជាង ៥០ ម៉ែត្រស្លាប់នៅនឹងកន្លែង ក្រោយពីចូលទៅជិតផ្លូវរថភ្លើង។​

តាមព័ត៌មានបានឱ្យដឹងថា បុរសជាជនរងគ្រោះមានវ័យ ៥៣ ឆ្នាំ ត្រូវបានគេស្គាល់ថាជាអ្នកធ្វើវីដេអូនៅលើបណ្តាញសង្គមទាក់ទងនឹងការជិះកង់។ បុរសរូបនេះ ត្រូវបានគេប្រទះឃើញស្លាប់នៅថ្ងៃទី ១៨ ខែធ្នូ ឆ្នាំ ២០២៤ កន្លងទៅ នៅស្ពានរថភ្លើង Chulalongkorn ស្រុក Muang ខេត្ត Ratchaburi ដោយមានសភាពសពខ្ទេចខ្ទីសឹងទាំងអស់ ហើយនៅក្បែរនោះគេប្រទះមានកង់មួយ និង ឧបករណ៍សម្រាប់ឡាយវីដេអូផងដែរ។

យ៉ាងណាមិញ តាមរយៈអ្នកបើករថភ្លើងបានឱ្យដឹងថា លោកបានឃើញបុរសរូបនេះកំពុងតាំងទូរស័ព្ទឡាយវីដេអូពីចម្ងាយ ហើយក៏បានព្យាយាមប្រើប្រដាប់បំពងសំឡេង (ស៊ីផ្លេ) ប្រាប់ឱ្យបុរសនេះគេចចេញដែរ ប៉ុន្តែគេគេចមិនទាន់ជាហេតុបណ្ដាលឱ្យរថភ្លើងក៏បានអូសបុរសរូបនេះប្រហែលជា ៥០ ម៉ែត្រ ទើបចាប់ហ្រ្វាំងបាន។ ដោយឡែក ខាងមន្រ្តីជំនាញក៏បានចុះទៅពិនិត្យចំពោះករណីនេះផងដែរ ហើយសពរបស់ជនរងគ្រោះក៏ត្រូវគ្រួសារយកទៅធ្វើបុណ្យតាមប្រពៃណី៕

ប្រភព៖ Khaosod