គំរូមែន! មិនត្រឹមតែជាគ្រូពេទ្យ តែជាអ្នកកំដរអារម្មណ៍អ្នកជំងឺតូចៗ រាំបទ Baby Shark យ៉ាងប៉ិនប្រសប់ (វីដេអូ)

ថ្មីៗនេះមហាជននៅក្នុងបណ្ដាញសង្គម កំពុងតែផ្ទុះការចាប់អារម្មណ៍នូវសកម្មភាពក្រុមគ្រូពេទ្យជួរមុខ ព្យាបាលជំងឺកូវីដ-១៩ នាំគ្នារាំបទកុមារ Baby Shark ដើម្បីជាការកំដរអារម្មណ៍ជូនអ្ន​កជំងឺក្មេងៗតូចនៅក្នុងមណ្ឌលព្យាបាល ឱ្យបាត់អស់នូវអារម្មណ៍ភិតភ័យ បង្កើនភាពស្និទ្ធស្នាល និង ទទួលបានភាពកក់ក្ដៅ ពីសំណាក់ក្រុមគ្រួពេទ្យជួរមុខកម្ពុជាដ៏ប៉ិនប្រសប់ ។

ជាក់ស្ដែងតាមរយៈវីដេអូ ប្រមាណជាង ០១ នាទី ដែលទទួលបានពីក្រុមគ្រូពេទ្យស្ម័គ្រចិត្តយុវជនសម្តេចតេជោ បានបង្ហាញឱ្យឃើញអំពីសកម្មភាព កុមារតូចៗនាំគ្នាគ្រលែងខ្លួនមួយៗតាមគ្រូពេទ្យ លើកដៃរាំតាមចង្វាក់ភ្លេង យ៉ាងសប្បាយរីករាយ ស្ទើរតែភ្លេចថាខ្លួនជាអ្នកជំងឺកូវីដ-១៩ ទៅហើយ ដែលធ្វើឱ្យអាណាព្យាបាលអង្គុយនៅជុំវិញនោះ នាំគ្នាញញឹមបិទមាត់មិនជិត ថែមទាំងទាញទូរស័ព្ទដៃ មកថតវីដេអូ ទុកជាអនុស្សាវរីយ៍ទៀតផង ។

បន្ថែមលើសពីនេះ តាមរយៈសកម្មភាពគ្រូពេទ្យនាំកុមាររាំកម្សាន្ត និង គូរគំនូរលេងនេះ បានធ្វើឱ្យមហាជនជាច្រើននាំគ្នាភ្លឺភ្នែក កោតសរសើរនូវទេព្យកោសល្យរបស់ក្រុមគ្រូពេទ្យជួរមុខ ដែលមិនត្រឹមតែជាអ្នកព្យាបាលជំងឺកូវីដនោះទេ ថែមទាំងមានជំនាញខាងក្រៅអាចព្យាបាលដួងចិត្តអ្នកជំងឺ ឱ្យសប្បាយរីករាយ ស្ទើរតែភ្លេចថាពួកគេកំពុងតែមានជំងឺជាប់ប្រាណទៅហើយ ៕

សូមទស្សនាវីដេអូនៅខាងក្រោម ៖