ចុងខែឧសភានេះ អ្នកវិជ្ជមានកូវីដរកឃើញជិត ៧០០ នាក់ ជាសះស្បើយ ៤៤៨ នាក់ ឯអ្នកស្លាប់ ៥ នាក់

ជុំវិញករណីជំងឺកូវីដ-១៩ ក្នុងប្រទេសកម្ពុជា នៅថ្ងៃទី ៣១ ខែឧសភា ឆ្នាំ ២០២១ នេះ ក្រសួងសុខាភិបាល បានប្រកាសព័ត៌មានឱ្យបានដឹងថា កម្ពុជាបានរកឃើញអ្នកឆ្លងជំងឺកូវីដ-១៩ ចំនួន ៦៩០ នាក់បន្ថែមទៀតហើយ ដែលក្នុងតួលេខនេះភាគច្រើនជាករណីឆ្លងក្នុងសហគមន៍ ដោយមានអ្នកធ្វើដំណើរក្រៅប្រទេសត្រឹមតែ ៥៥ ករណី ។

ទន្ទឹមនឹងតួលេខឆ្លងដ៏ច្រើននេះ តាមរយៈសេចក្ដីប្រកាសរបស់ក្រសួងសុខាភិបាលបានបញ្ជាក់ផងដែរថា អ្នកបាត់បង់ជីវិតដោយសារជំងឺកូវីដ-១៩ នៅថ្ងៃនេះ មានចំនួន ០៥ នាក់ និង មានអ្នកជាសះស្បើយពីជំងឺកូវីដ-១៩ អាចត្រឡប់ទៅផ្ទះវិញ គឺមានចំនួន ៤៤៨ នាក់ ។

គួរឱ្យដឹងផងដែរថា គិតត្រឹមថ្ងៃទី ៣១ ខែឧសភា ឆ្នាំ ២០២១ នេះ ចំនួនករណីឆ្លងកូវីដ-១៩ ក្នុងប្រទេសកម្ពុជារួមមាន ៖
– ករណីឆ្លងសរុបទូទាំងប្រទេសឡើងដល់ ៣០០៩៤ នាក់
– អ្នកជាសះស្បើយមានចំនួន ២២៦៣៦ នាក់
– អ្នកស្លាប់ចំនួន ២១៤ នាក់ ៕

សូមអានព័ត៌មានលម្អិតខាងក្រោម ៖