មិនទាន់ស្បើយទេ! ថ្ងៃនេះ អ្នកឆ្លងកូវីដ ៩៤៨ នាក់ ជាសះស្បើយ ៦១៥ នាក់ និងស្លាប់ ៣៦ នាក់

នៅថ្ងៃទី ០៣ ខែកក្កដា ឆ្នាំ ២០២១ នេះ ក្រសួងសុខាភិបាលនៃព្រះរាជាណាចក្រកម្ពុជា បានផ្ដល់ព័ត៌មានជុំវិញករណីជំងឺកូវីដ-១៩ ក្នុងប្រទេសកម្ពុជា ឱ្យបានដឹងថា ក្រុមគ្រូពេទ្យបានរកឃើញ អ្នកឆ្លងជំងឺកូវីដ-១៩ ចំនួន ៩៤៨ នាក់បន្ថែមទៀតហើយ ដែលក្នុងតួលេខនេះភាគច្រើនជាករណីឆ្លងក្នុងសហគមន៍ ដោយមានអ្នកធ្វើដំណើរក្រៅប្រទេសចំនួន ៤៤ ករណី ។

ទន្ទឹមនឹងតួលេខឆ្លងដ៏ច្រើននេះ បើតាមសេចក្ដីប្រកាសរបស់ក្រសួងសុខាភិបាល បានបញ្ជាក់ឱ្យដឹងថា នៅថ្ងៃនេះ អ្នកបាត់បង់ជីវិតដោយសារជំងឺកូវីដ-១៩ មានចំនួន ៣៦ នាក់ និង មានអ្នកជាសះស្បើយពីជំងឺកូវីដ-១៩ អាចត្រឡប់ទៅផ្ទះវិញចំនួន ៦១៥ នាក់ ។

គួរឱ្យដឹងផងដែរថា គិតត្រឹមថ្ងៃទី ០៣ ខែកក្កដា ឆ្នាំ ២០២១ នេះ ចំនួនករណីឆ្លងកូវីដ-១៩ ក្នុងប្រទេសកម្ពុជារួមមាន៖
– ករណីឆ្លងសរុបទូទាំងប្រទេសឡើងដល់ ៥៣២៩៨ នាក់
– អ្នកជាសះស្បើយមានចំនួន ៤៦១២៣ នាក់
– អ្នកស្លាប់ចំនួន ៦៩៦ នាក់ ៕

សូមអានព័ត៌មានលម្អិតខាងក្រោម ៖