មុននេះ ក្រសួងប្រកាសរកឃើញអ្នកឆ្លងកូវីដ ៦៦ នាក់ ឯអ្នកស្លាប់ថ្មីធ្លាក់មកត្រឹម ៥ នាក់

ក្រសួងសុខាភិបាលនៃព្រះរាជាណាចក្រកម្ពុជា នៅថ្ងៃទី ១១ ខែវិច្ឆិកា ឆ្នាំ ២០២១ នេះ បានចេញសេចក្តីប្រកាសព័ត៌មាន ស្ដីពីជំងឺ​កូវីដ-១៩ ​ឱ្យបានដឹងថា ​កម្ពុជាបានរកឃើញ​អ្នកឆ្លង​ជំងឺ​កូវីដ​-១​៩ ​ចំនួន ៦៦ នាក់ ដែលជាលទ្ធផលបញ្ជាក់ដោយ PCR ​ដែលក្នុងនោះមានករណីនាំចូល​ពីបរទេសចំនួន ០៨ នាក់។

បន្ថែមលើសពីនេះ ក្រសួងសុខាភិបាល ក៏បានរាយការណ៍អំពីតួលេខអ្នកស្លាប់នៅក្នុងថ្ងៃនេះផងដែរ ដោយក្រុមគ្រូពេទ្យ​បានរកឃើញ​មានអ្នកជំងឺកូវីដ-១៩ ​ស្លាប់ចំនួន ០៥ នាក់ (មិនបានចាក់វ៉ាក់សាំង ០៣ នាក់) ​ខណៈ​មាន​អ្នក​ជាសះស្បើយ​ចំនួន ៧១ នាក់ ​បានជាសះស្បើយពេញលេញ ​ត្រឡប់ទៅផ្ទះវិញ។

គួរឱ្យដឹងផងដែរថា គិតត្រឹមថ្ងៃទី ១១ ខែ វិច្ឆិកា ឆ្នាំ ២០២១ នេះ ចំនួនករណីឆ្លងកូវីដ-១៩ ក្នុងប្រទេសកម្ពុជារួមមាន ៖
– ករណីឆ្លងសរុបទូទាំងប្រទេស កើនឡើងដល់ ១១៩ ៣៥៨ នាក់
– អ្នកជាសះស្បើយមានចំនួនសរុប ១១៥ ៧៣០ នាក់
– អ្នកស្លាប់មានចំនួនសរុប ២ ៨៥០ នាក់៕

ខាងក្រោមនេះ ជាលិខិតប្រកាសរបស់ក្រសួងសុខាភិបាល៖