ថ្ងៃនេះ កម្ពុជាបន្តរកឃើញអ្នកឆ្លងកូវីដចំនួន ២៣ ជាសះស្បើយ ២០ និង ស្លា-ប់ ០៤ នាក់

ក្រសួងសុខាភិបាលនៃព្រះរាជាណាចក្រកម្ពុជា នៅថ្ងៃទី ២៨ ខែវិច្ឆិកា ឆ្នាំ ២០២១ នេះ បានចេញសេចក្តីប្រកាសព័ត៌មាន ស្ដីពីជំងឺកូវីដ-១៩ ឱ្យបានដឹងថា កម្ពុជាបានរកឃើញអ្នកឆ្លងជំងឺ​កូវីដ​-១៩ ចំនួន ២៣ នាក់ ​ដែលទាំងនេះជា​លទ្ធផលបញ្ជាក់​ដោយ PCR។ ​ក្នុងនោះចំពោះ​ករ​ណី​នាំចូលពីបរទេសក្នុងថ្ងៃនេះ គឺមានចំនួន ០៤ នាក់។

បន្ថែមលើសពីនេះ ក្រសួងសុខាភិបាល ក៏បានរាយការណ៍អំពីតួលេខអ្នកស្លាប់នៅក្នុងថ្ងៃនេះផងដែរ ដោយក្រុមគ្រូពេទ្យ​បានរកឃើញមានអ្នក​ជំងឺកូវីដ-១៩ ​ស្លាប់ចំនួន ០៤ នាក់ ​(មិន​បាន​ចាក់​វ៉ាក់​សាំង ០២ នាក់) ​ខណៈមានអ្នកជាសះស្បើយចំនួន ​២០ នាក់ ​បានជាសះស្បើយពេញលេញ ត្រឡប់ទៅផ្ទះវិញ។

គួរឱ្យដឹងផងដែរថា គិតត្រឹមថ្ងៃទី ២៧ ខែ វិច្ឆិកា ឆ្នាំ ២០២១ នេះ ចំនួនករណីឆ្លងកូវីដ-១៩ ក្នុងប្រទេសកម្ពុជារួមមាន ៖
– ករណីឆ្លងសរុបទូទាំងប្រទេស កើនឡើងដល់ ១២០ ០៨៧ នាក់
– អ្នកជាសះស្បើយមានចំនួនសរុប ១១៦ ៤៦៦ នាក់
– អ្នកស្លាប់មានចំនួនសរុប ២ ៩៣១ នាក់៕

ខាងក្រោមនេះ ជាលិខិតប្រកាសរបស់ក្រសួងសុខាភិបាល៖