សម្រែកហ៊ោពេញស្ដាត! ត្រឹមនាទីទី ២៦ កម្ពុជា រកបានមួយគ្រាប់ពីក្រុមហ្វីលីពីន

ការប្រកួតយ៉ាងស្វិតស្វាញរវាងក្រុមជម្រើសជាតិកម្ពុជា និង ក្រុមជម្រើសជាតិហ្វីលីពីន កំពុងតែធ្វើឱ្យទស្សនិកជនទាំងនៅពហុកីឡដ្ឋានជាតិអូឡាំពិកផ្ទាល់ ក៏ដូចជាអ្នកទស្សនាតាមដានតាមគេហដ្ឋាន ជក់ចិត្តដិតអារម្មណ៍ បុកពោះ ព្រឺសម្បុរគ្រប់ៗគ្នា។

យ៉ាងណាមិញ មកដល់នាទីទី ២៦ សម្រែកហ៊ោកញ្ជៀវបានបន្លឺឡើងសឹងតែផ្ទុះពហុកីឡដ្ឋាន នៅពេលដែលកីឡាករកម្ពុជា គី រីណា ពាក់ស្លាកលេខ ១៦ លេងបានយ៉ាងល្អ ស៊ុតបញ្ចូលទីពីចម្ងាយ ធ្វើឱ្យក្រុមជម្រើសជាតិកម្ពុជាទទួលបាន ១ គ្រាប់នាំមុខក្រុមជម្រើសជាតិហ្វីលីពីន៕