ស្លឹកឈើជ្រុះមិនឆ្ងាយពីគល់! កូនភ្លោះសង្ហារបស់ Beam ភាយក្លិនធ្វើជាតួកុនដូចប៉ាៗតាំងពីរតូច

ដូចដែលបានដឹងហើយថា តារាប្រុស Beam Kawee មានកូនចំនួន ៤ នាក់ ក្នុងនោះ មានប្រុស ២ នាក់ និង ស្រី ២ នាក់ ដែលសុទ្ធសឹងជាកូនភ្លោះទាំងអស់។ ទន្ទឹមនឹងមានកូនប្រុសស្រីចំនួន ៤ នាក់នេះបានធ្វើឱ្យគ្រួសាររបស់តារាប្រុស Beam និង ភរិយាកាន់តែមានសុភមង្គលទ្វេដង។

មកទល់ពេលនេះកូនប្រុសទាំងពីររបស់ Beam មានអាយុ ៣ ខួបហើយ។ ក្នុងនោះបើនិយាយពីសម្រស់កំលោះតូចទាំងពីរវិញ ស្រស់សង្ហាមិនចាញ់ប៉ា Beam ឡើយ។ តួយ៉ាង ថ្មីៗនេះ Beam បានចេញមកបង្ហោះរូបភាពប៉ុន្មានសន្លឹកជាមួយនឹងកូនប្រុសទាំងពីររបស់ខ្លួន ដើម្បីទុកធ្វើជាអនុស្សាវរីយ៍នាដើមឆ្នាំ ២០២៤ ។

ជាមួយនឹងរូបភាពបែបគ្រួសារមួយនេះ មហាជនបានលាន់មាត់សរសើរថាស្រស់សង្ហា ប្រៀបដូចជា Boy Band ថៃមួយក្រុមអ៊ីចឹង។ ពិសេស សរសើរដល់កូនទាំងពីររបស់ Beam អាយុត្រឹម ៣ ឆ្នាំសោះចេះកាច់ស្ទីលថតរូបមិនចាញ់ប៉ាៗជាតារាឡើយ នេះបានហៅថាស្លឹកឈើជ្រុះមិនឆ្ងាយពីគល់មែន៕