(វីដេអូ) អីយ៉ាស់! បាត់មុខពីលើឆាក តែតារាកំប្លែងមុខស្ងួត យាយធឿន កំពុងផ្ទុះចាប់អារម្មណ៍លើ TikTok

មហាជននិយមតាមដានរឿងកំប្លែងរបស់ក្រុមនាយ ក្រឹម លើកញ្ចក់ទូរទស្សន៍ប៉ុស្តិ៍បាយ័ន ជាពិសេសកម្មវិធី «សំណើចចុងសប្តាហ៍» ច្បាស់ជាធ្លាប់បានស្គាល់មកហើយ យាយធឿន តារាកំប្លែងមួយរូបក្នុងក្រុម ដែលមានទេពកោសល្យកំប្លុកកំប្លែង និង ទទួលបានប្រជាប្រិយពីសំណាក់អ្នកទស្សនាផងដែរ។

យ៉ាងណា រយៈពេលប៉ុន្មានឆ្នាំចុងក្រោយនេះ តារាកំប្លែង យាយធឿន ក៏មិនបានបង្ហាញវត្តមានក្នុងការលេងកំប្លែងទៀតនោះឡើយ ដែលជាហេតុធ្វើឱ្យមហាជនអ្នកគាំទ្រនឹករឭកដល់ យាយធឿន ជាខ្លាំង។

ថ្មីៗនេះ ក្រឡេកទៅក្នុងបណ្តាញសង្គម Tik Tok ក៏បានឃើញអតីតតារាកំប្លែង យាយធឿន បានបង្កើតគណនីផ្ទាល់ខ្លួន បង្ហោះវីដេអូនិយាយលេងបែបកំប្លុកកំប្លែង និង រាំច្រៀង ធ្វើឱ្យអ្នកលេងបណ្តាញសង្គម Tik Tok ចាប់អារម្មណ៍ដល់លោកយាយជាថ្មី។ លើសពីនោះ ក្រោយបាត់មុខពីការសម្តែងកំប្លែងលើឆាក រាល់វីដេអូរបស់លោក យាយធឿន បានបង្ហោះ គឺមានអ្នកទស្សនាខ្ទង់ពាន់ ដល់ម៉ឺននាក់ រហូតខ្លះដល់លានទៀតផង។

ជាការពិត បើទោះជារមែងបង្ហោះវីដេអូផ្ទុះចាប់អារម្ម៍លើ Tik Tok យាយធឿន ក៏នៅតែធ្វើឱ្យមហាជននឹកដល់ទេពកោសល្យសម្តែងកំប្លែងរបស់លោកយាយ និង ចង់ឃើញវត្តមាន យាយធឿន មកសម្តែងឡើងវិញដែរ៕

សូមចុចទីនេះដើម្បីទស្សនាវីដេអូ៖

សូមចុចទីនេះដើម្បីទស្សនាវីដេអូ៖

សូមចុចទីនេះដើម្បីទស្សនាវីដេអូ៖