Bright ចេញមុខបញ្ជាក់ការពិតហើយ ក្រោយផ្ទុះសង្ស័យកំពុងសំងំសាងស្នេហ៍ជាមួយនារីក្រៅសិល្បៈ

តារាប្រុសរូបសង្ហាប្រចាំស្ថានីយទូរទស្សន៍ប៉ុស្តិ៍ One 31 លោក Bright Norraphat មកទល់ពេលនេះ កំពុងតែក្តាប់បានការងារជាច្រើន មិនថាថតស្ពតពាណិជ្ជកម្ម ជាទូតសុឆន្ទៈតំណាងឱ្យប្រ៊េនល្បីៗ និង សម្ដែងរឿង។

ទន្ទឹមនឹងមានឈ្មោះបោះសំឡេងនេះ អ្នកគាំទ្រក៏ចង់ដឹងដូចគ្នាដែរនូវរឿងរ៉ាវបេះដូងរបស់តារាប្រុសរូបនេះ ព្រោះកន្លងមកតារាប្រុសនេះតែងតែបាននិយាយថា លោកមិនទាន់រកឃើញអ្នកមើលថែបេះដូងនៅឡើយទេ។

អ្វីដែលនឹកស្មានមិនដល់នោះ ស្ងាត់ៗ ស្រាប់តែអ្នកកំលោះសង្ហារូបនេះបានបង្ហោះរូបដើរលេងជាមួយនារីក្រៅរង្វង់សិល្បៈម្នាក់ មានឈ្មោះថា Parajum ធ្វើឱ្យអ្នកគាំទ្រផ្ទុះការសង្ស័យថា នារីស្រីស្រស់រូបនេះអាចជាសង្សាររបស់លោក?

ជុំវិញរឿងរ៉ាវដ៏ក្តៅគគុកដែលអ្នកគាំទ្រជ្រួលចង់ដឹងនេះដែរ ពេលនេះតារាប្រុស Bright Norraphat ក៏បានចេញមុខទម្លាយការពិតហើយថា នារីស្រីរូបស្រស់ដែលលោកបានបង្ហោះជាមួយនោះ ពិតជានារីដែលលោកកំពុងតែទាក់ទងពិតប្រាកដមែន មូលហេតុដែលលោកចេញមុខបង្ហាញក៏ដោយសារតែលលោកផ្តល់កិត្តិយសឱ្យខាងស្រី ហើយនឹងមិនចង់លាក់បាំងអ្នកគាំទ្រទៀតដែរ៕