(វីដេអូ) បាត់មុខមួយរយៈ កាកា អ្នកលេង Tik Tok ល្បី ធ្លាក់ខ្លួនមានជំងឺមួយ មហាជនអាណិតខ្លាំង
មហាជននិយមតាមដានបណ្តាញសង្គម Tik Tok ច្បាស់ជាធ្លាប់បានស្គាល់មកហើយម្ចាស់គណនី Tik Tok ឈ្មោះថា កាកា ដែលទទួលបានការគាំទ្រយ៉ាងខ្លាំងពីសំណាក់មហាជន តាមរយៈវីដេអូបែបកំប្លែងៗ និយាយប្លែកៗរបស់នាង។ ដោយទទួលបានប្រជាប្រិយភាពខ្លាំងលើ Tik Tok កន្លងទៅកញ្ញា កាកា ក៏ធ្លាប់មានក្រុមហ៊ុនមួយចំនួនឧបត្ថម្ភដល់រូបនាងទៀតផង។
យ៉ាងណាមិន ស្រាប់តែថ្មីៗនេះ អ្នកលេងបណ្តាញសង្គម Tik Tok កំពុងតែផ្ទុះការភ្ញាក់ផ្អើលយ៉ាងខ្លាំង ក្រោយពីវីដេអូបច្ចុប្បន្នរបស់ កាកា បានផុសឡើងនៅលើគណនី Tik Tok មួយឈ្មោះថា «Pu Mab Real2» ដោយនាងបានធ្លាក់ខ្លួនឈឺ បាក់សម្រស់យ៉ាងខ្លាំង។
វីដេអូរៀបរាប់ទាំងអួលដើម-ក របស់ កាកា បានរៀបរាប់ថា ខ្លួនរស់នៅមិនបានយូរទៀតនោះ ធ្វើឱ្យមហាជនស្រណោះស្រណោកយ៉ាងខ្លាំង។ ជាងនេះទៅទៀត បើតាមការសួរនាំរបស់អ្នកលេង Tik Tok ពីជំងឺរបស់ កាកា ក៏មានអ្នកបានឆ្លើយតបថា «កាកា មានជំងឺដំបៅក្រពះ»៕
