(វីដេអូ) ចុះពីសម្ដែងរួមគ្នា សុគន្ធកញ្ញា និង ពេជ្រ សោភា ឱ្យអ្នកគាំទ្រញញឹមពេលឃើញទង្វើមួយ

ព្រឹត្តិការណ៍បិទស៊ីហ្គេមលើកទី ៣២ ដែលកម្ពុជាធ្វើជាម្ចាស់ផ្ទះ បានបញ្ចប់ទៅយ៉ាងរលូននៅថ្ងៃទី ១៧ ខែឧសភា ឆ្នាំ ២០២៣ ដោយមានសិល្បករ-ការិនីល្បីៗមកពីបណ្ដាផលិតកម្មនានា បានបង្ហាញនូវផ្ទាំងទស្សនីយភាពជាច្រើន ធ្វើឱ្យទស្សនិកជនជក់ចិត្តបំផុត។

នៅក្នុងព្រឹត្តិការណ៍ដ៏ឱឡារិកនេះ គេក៏ឃើញវត្តមានរបស់កំពូលតារាចម្រៀងប្រចាំផលិតកម្មរស្មីហង្សមាសជាច្រើនរូប រួមមាន ឱក សុគន្ធកញ្ញា, ពេជ្រ សោភា, ណុយ បាយ៉ារិទ្ធ, ឆន សុវណ្ណារាជ និង តារាចម្រៀងប្រុសស្រីជាច្រើនរូបទៀត បានពួតដៃគ្នាច្រៀង និង សម្ដែងបង្ហាញដល់ទស្សនិកជនប្រកបដោយភាពមោទកបំផុត។

រឿងដែលមហាជនចាប់អារម្មណ៍ បន្ទាប់ពីបញ្ចប់ភារកិច្ចដ៏មានកិត្តិយសនេះ ពេជ្រ សោភា បានបង្ហោះវីដេអូខ្លីមួយអរគុណដើម្បីថ្លែងអំណរគុណដល់អ្នកគាំទ្រ ក្នុងនោះគេស្រាប់តែឃើញ អ្នកនាង ឱក សុគន្ធកញ្ញា ក៏បានបង្ហាញខ្លួននៅក្នុងវីដេអូនោះ ហើយអ្នកទាំងពីរក៏បាននិយាយលេងសើចជាមួយគ្នា ព្រមទាំងបង្ហាញកាយវិការឱបស្និទ្ធស្នាលជាមួយគ្នាយ៉ាងកក់ក្ដៅ ស្ដែងពីមិត្តភាពដ៏ល្អគួរឱ្យសរសើរបំផុត ធ្វើឱ្យអ្នកគាំទ្រឃើញហើយ ញញឹមពេញចិត្តជាខ្លាំង។ សូមចុចទីនេះ ដើម្បីទស្សនាវីដេអូ ៖