តស់ៗចាំទៅគាំទ្រទាំងអស់គ្នា! លទ្ធផលចាប់ពូលផ្លូវការ បាល់ទាត់បុរស-នារី ក្នុងព្រឹត្តិការណ៍ស៊ីហ្គេមឆ្នាំ ២០២៣ ចេញហើយ

នៅរសៀលថ្ងៃទី ៥ ខែមេសា ឆ្នាំ ២០២៣ នេះគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី ៣២ ឆ្នាំ ២០២៣ បានរៀបចំពិធីចាប់ឆ្នោតបែងចែកពូលលើប្រភេទកីឡាបាល់ទាត់ និង បាល់ទះសម្រាប់ព្រឹត្តិការណ៍កីឡាស៊ីហ្គេម លើកទី ៣២ ឆ្នាំ ២០២៣។

ជាលទ្ធផលជាក់ស្ដែង សម្រាប់ពូលផ្លូវការបាល់ទាត់នារី ក្រុម A មាន វៀតណាម, ហ្វីលីពីន, ភូមា, ម៉ាឡេស៊ី, និង ឥណ្ឌូនេស៊ី។ ដោយឡែក ក្រុម B មានកម្ពុជា, ថៃ, សិង្ហបុរី និង ឡាវ។

ចំណែកឯលទ្ធផលផ្លូវការពូលបាល់ទាត់បុរសអាយុក្រោម ២២ ឆ្នាំ សម្រាប់ក្រុម A មានកម្ពុជា, ឥណ្ឌូនេស៊ី, ភូមា, ហ្វីលីពីន, និង ទីម័រឡេស្ត ខណៈដែលក្រុម B មានដូចជា វៀតណាម, ថៃ, ម៉ាឡេស៊ី, សិង្ហបុរី និង ឡាវ៕

ប្រភព និង រូបភាពដោយ៖ Cambodia 2023