លែងលាក់ទៀត Yam បង្ហាញមុខគូស្នេហ៍ដែលត្រូវជាមិត្តភក្ដសង្សារ Taew ចំៗ មិនខ្វល់នរណាគិតអី

កាលពីដើមខែឧសភាឆ្នាំ ២០២២ កន្លងទៅនេះ Yam Matira តារាសម្ដែងស្រីប្រចាំប៉ុស្តិ៍លេខ ៣ បានលេចបែកធ្លាយចចាមអារ៉ាមស្នេហាជាមួយកំលោះហាយសូសម្បូរទ្រព្យ ដែលត្រូវជាមិត្តភក្ដិរបស់ Pranai គូស្នេហ៍របស់តារារៀមច្បង Taew ដោយនាងបានស្គាល់បុរសរូបនេះ តាមរយៈការណែនាំរបស់ Pranai។

រំលងទៅជាងកន្លះឆ្នាំ ស្រាប់តែថ្មីៗនេះ Yam បានបង្ហោះរូបជាមួយបុរសហាយសូហាក់បើកបង្ហាញចំណងស្នេហាជាសាធារណៈ ដោយមិនមានការលាក់បាំងទៀត អមដោយសារជូនពរថា៖ «រីករាយថ្ងៃកំណើតចាស នៅមានថ្ងៃកំណើតជាច្រើនទៀតដែលយើងនឹងធ្វើជាមួយគ្នា»។

ក្រោយឃើញសារនេះ អ្នកគាំទ្រជាច្រើនក៏បានចូលបញ្ចេញមតិបង្ហាញការរីករាយ និងជូនពរដល់ថ្ងៃកំណើតគូស្នេហ៍នាង ដោយសង្ឃឹមថាអ្នកទាំងពីរនឹងស្រឡាញ់គ្នាជារៀងរហូត ហើយក៏អបអរដល់ Yam ដែលនាងមានស្នេហាផងដែរ៕