ឃើញរូបភាពមួយនេះ ទើបដឹងថា ម៉ៃយ៉ា ស្រស់ស្អាតបែបធម្មជាតិតាំងពីក្មេង

ដោយសារតែនេះជាសម័យបច្ចេកវិជ្ជាទំនើប ទើបតារាមួយចំនួនបានងាកមកកែបន្ថែមរូបសម្រស់របស់ខ្លួនដើម្បីឱ្យកាន់តែស្រស់ស្អាត និង ទាក់ទាញមួយកម្រិតទៀត តែបើងាកមកមើលសម្រស់របស់តារាសម្តែងកូនកាត់ ម៉ៃយ៉ា វិញឃើញថាស្រស់ស្អាតតាំងពីក្មេងតែម្តង ។

ថ្មីៗនេះតារាសម្តែងកូនកាត់អាល្លឺម៉ង់ ម៉ៃយ៉ា បានបង្ហាញរូបភាពកាលពីនាងនៅតូចថតរួមជាមួយបងប្អូន ដោយគេសម្គាល់ឃើញថាទម្រង់មុខរបសនាងគឺស្រស់ស្អាតលេចធ្លោតាំងពីនៅក្មេង ព្រោះតែបែបនេះហើយទើបមហាជនជាច្រើនលាន់មាត់ថាសម្រស់ស្អាតរបស់ ម៉ៃយ៉ា គឺជាសម្រស់ធម្មជាតិពិតៗមិនមានការកែបន្ថែមទេ ។ មិនមែនមានតែ ម៉ៃយ៉ា ទេ បងប្អូនរបស់នាងក៏សុទ្ធតែមានសម្រស់ស្អាតបែបកូនកាត់ គ្រាន់តែពួកគេមិនមានទេពកោសល្យសិល្បៈដូចនាង ។

ចុងក្រោយនេះ ម៉ៃយ៉ា មិនសូវលេចមុខនៅក្នុងការសម្តែងរឿងភាគដូចមុនឡើយ ភាគច្រើននាងក្តោបបានការថតស្ប៉តពាណិជ្ជកម្មជាបន្តបន្ទាប់ ជាពិសេសសម្អាងការហើយទំនេរពីការងារសិល្បៈ តារាសម្តែងកូនកាត់រូបនេះក៏មានការងារបន្ថែមគឺការលក់ផលិតផលតាមអនឡាញដែលទទួលបានការគាំទ្រពីសំណាក់អតិថិជនជាខ្លាំង ។ មិនខុសពីតារាដទៃពេលនេះ ម៉ៃយ៉ា ក៏មានគូស្នេហ៍ និង សម្រេចចិត្តរួមរស់ក្រោមដំបូលតែមួយដោយមិនមានគម្រោងចូលរោងជ័យនោះទេ ។ ក្នុងនោះក៏មានការសង្ស័យថា តារាសម្តែងរូបស្រស់កូនកាត់ម្នាក់នេះមានស្នេហាភេទដូចគ្នា តែយ៉ាងណា ម៉ៃយ៉ា មិនបានចេញមុខបកស្រាយពីរឿងនេះទេ ៕