សាមញ្ញាៗ ប៉ុន្តែមើលទៅ គីម ចាន់បូរមី និង គូស្នេហ៍ មានភាពផ្អែមល្ហែមណាស់
ហ្វេនៗជាច្រើនបានសម្តែងការចាប់អារម្មណ៍យ៉ាងខ្លាំង ក្រោយពីបានឃើញរូបភាពរបស់តារាសម្តែងរូបស្រស់ គីម ចាន់បូរមី និង គូស្នេហ៍លោក ហ៊ុន បញ្ញាបុត្រ នៅខេត្តព្រះសីហនុកាលពីពេលថ្មីៗនេះ មើលទៅពិតជាផ្អែមល្ហែមគួរឱ្យច្រណែនណាស់ ។
ចុងក្រោយនេះតារាសម្តែងរូបស្រស់ គឹម ចាន់បូរមី មិនមានសកម្មភាពសិល្បៈនៅក្នុងការសម្តែងដូចមុនឡើយ ដោយសារនាងជាប់រវល់បន្តការសិក្សានៅក្រៅប្រទេស តែថ្មីៗនេះ គឹម ចាន់បូរមី បានធ្វើឱ្យអ្នកគាំទ្រមានការចាប់អារម្មណ៍ ក្រោយពីបានឃើញនាងបង្ហោះរូបភាពយ៉ាងផ្អែមល្ហែមជាមួយគូស្នេហ៍លោក ហ៊ុន បញ្ញាបុត្រ ។ នេះជាលើកដំបូងដែលគេបានឃើញរូបភាពស្វីតស្វីតរបស់ គីម ចាន់បូរមី និង គូស្នេហ៍នៅតំបន់សមុទ្រខេត្តព្រះសីហនុ ដែលមើលទៅពិតជាមានសេចក្តីសុខ និង កក់ក្តៅជាខ្លាំង ។
គីម ចាន់បូរមី គឺជាតារាសម្តែងដែលមានសម្រស់ស្អាត និង មានឈ្មោះបោះសំឡេងគួរសម នាងលេចមុខនៅក្នងរឿងភាគទូរទស្សន៍ជាច្រើនក្នុងតំណែងជាតួឯក តែចុងក្រោយនេះនាងបានផ្អាកអាជីពមួយនេះ ដោយចេញទៅបន្តការសិក្សានៅបរទេស ៕
