យូរៗម្ដង ខៀវ សុខារ៉ាវី បង្ហាញរូបភាពផ្អែមល្ហែមជាមួយនឹងស្វាមី មានសុភមង្គលណាស់

ជឿជាក់ថា មហាជនប្រាកដជា នៅចាំអតីតតារាសម្តែងរូបស្រស់ និង មានមុខមូលព្រះច័ន្ទ ខៀវ សុខារ៉ាវី ដែលពេលនេះនាងកំពុងរស់នៅយ៉ាងមានក្តីសុខ នៅសហរដ្ឋអាមេរិក។

គេចាំបានថា ខៀវ សុខារ៉ាវី បានចាកចេញទៅរស់នៅសហរដ្ឋអាមេរិកដោយស្ងប់ស្ងាត់ក្រោយ នាងអាក់ខានការរៀបការជាមួយអតីតតារាសម្តែងលោក ស៊ុក សុភា ។ អ្វីដែលកត់សម្គាល់ ហាក់ខុសពីតារាដទៃ ស្រីស្អាតរូបនេះកម្របង្ហាញរូបភាព ឬ សកម្ម ភាពថ្មីៗពីការរស់នៅរបស់ខ្លួន នៅលើទឹកដីអាមេរិកនៅតាមបណ្តាញសង្គមឡើយ ប៉ុន្តែថ្មីៗនេះ ខៀវ សុខារ៉ាវី បានបង្ហាញរូបភាពយ៉ាងផ្អែមល្ហែមជាមួយស្វាមីរបស់នាងជាសាធារណៈ ដែលធ្វើឱ្យមិត្តភក្តិក៏ដូចជាអ្នកគាំទ្រមានការចាប់អារម្មណ៍ និងសរសើរថានាង និង ស្វាមី ពិតជាស័កិ្តសមគ្នាណាស់។

បើងាកមកមើលសម្រស់របស់ ខៀវ សុខារ៉ាវី ឯណេះវិញ នៅតែស្រស់ស្អាត និង ក្មេងហាក់មិនប្រែប្រួលច្រើនឡើយ តែក្នុងនោះគេមិនច្បាស់ថា តើពេលនេះនាងមានកូនជាចំណងដៃ ឬ បែបណាឡើយ គ្រាន់តែដឹងថា ពេលនេះ ខៀវ សុខារ៉ាវី មិនបានបន្តអាជីពនេះទៀតឡើយ៕

រូបថត ៖ ហ្វេសប៊ុក