បង្ហាញសម្រស់ប្អូនស្រីពៅ Nickhun សមាជិក «2PM» ស្អាតខ្លាំង មានដុងសិល្បៈមិនចាញ់បងប្រុស
អ្នកគាំទ្ររបស់ក្រុមតារាចម្រៀងកូរ៉េ «2PM» ប្រាកដជាធ្លាប់បានដឹងរឿងរ៉ាវឯកជនមួយចំនួនរបស់តារាចម្រៀងជនជាតិថៃ-អាមេរិក Nickhun រួចខ្លះមកហើយដែរ ដោយតារាចម្រៀងនេះមិនត្រឹមតែមានសមត្ថភាពផ្នែកសិល្បៈតែម្នាក់ឯងនោះទេ គឺសូម្បីប្អូនស្រីពៅរបស់លោកក៏មានទេពកោសល្យ និង ជាតារាស្រីដែលមានប្រជាប្រិយភាពយ៉ាងខ្លាំងនៅក្នុងប្រទេសថៃផងដែរ ។
ប្អូនស្រីពៅរបស់ Nickhun មានឈ្មោះ Nachjaree Horvejkul ហៅ Cherreen ជាតារាសម្តែងល្បីឈ្មោះមួយរូប ហើយមិនត្រឹមតែប៉ុណ្ណោះ Cherren ក៏មានសមត្ថភាពក្នុងការច្រៀង និង រាំដូចបងប្រុសរបស់នាងទៀតផង ។ ក្នុងនោះតារាវ័យក្មេងរូបនេះ ទទួលបានការចាប់អារម្មណ៍ និង ភាពល្បីល្បាញដោយទេពកោសល្យប៉ិនប្រសប់ ជាពិសេសគឺរូបសម្រស់ស្រស់ស្អាតទាំងព្រមរបស់នាងផងដែរ ។
គួរឱ្យដឹងដែរថា មិនត្រឹមតែមានសមត្ថភាពផ្នែកសិល្បៈប៉ុណ្ណោះទេ ប៉ុនតែ Nachjaree Horvejkul ហៅ Cherreen ក៏មានចំណេះដឹងអាចនិយាយបានដល់ទៅ ៣ ភាសា គឺភាសាថៃ ភាសាអង់គ្លេស និង ភាសាចិន ទៀតផង ៕
