អបអរសាទរ! តួស្រីរឿង «Fantastic Beasts 2» សម្រាលបានកូនស្រីដោយសុវត្ថិភាព
ក្រោយពីបានប្រកាសដំណឹងមានផ្ទៃពោះកាលពីខែមេសា ឆ្នាំ ២០២០ ដល់មហាជនអ្នកគាំទ្រ តារាសម្តែងស្រី Claudia Kim ដែលមានឈ្មោះកូរ៉េថា Kim Soo-hyun បានសម្រាលកូនស្រីហើយ ។ ក្នុងនោះដែរតួអង្គក្នុងរឿង «Fantastic Beasts 2» រូបនេះមិនបានបញ្ជាក់ពេលវេលាថ្ងៃកើតរបស់កូនស្រីនោះទេ ប៉ុន្តែនៅថ្ងៃទី ០១ ខែតុលា ឆ្នាំ ២០២០ កន្លងទៅនេះ នាងគ្រាន់តែបង្ហោះរូបភាពកាន់ដៃដ៏តូចរបស់កូន ព្រមទាំងនិយាយថា «នាងពិតជាល្អឥតខ្ចោះ» ។
គួរឲ្យដឹងដែរថា Claudia Kim គឺជាតារាកូរ៉េដែលបានសម្តែងខ្សែភាពយន្ត Avengers: Age of Ultron) ហើយនាងក៏ជាតួអង្គសំខាន់មួយរូបដែលទទួលបានកេរ្តិ៍ឈ្មោះក្នុងខ្សែភាពយន្តរឿង «Fantastic Beasts 2» ផងដែរ ។ លើសពីនេះ ក្រោយពីសម្រាលកូនរួចហើយនោះ តារាស្រីរូបនេះក៏នឹងមានវត្តមានក្នុងខ្សែភាពយន្ត «Fantastic Beasts 3» ដែលត្រៀមចាក់បញ្ចាំងនៅខែកញ្ញា ឆ្នាំ ២០២០ នេះផងដែរ ៕
