សឿ សុធារ៉ា មិនទាន់បង្ហើបចំណងជើងរឿងដែលសម្ដែង ព្រោះចង់ឱ្យភ្ញាក់ផ្អើល!

គ្រាន់តែលេចមុខក្នុងសិល្បៈភ្លាម សឿ សុធារ៉ា ក៏មានទីផ្សារមិនចាញ់តារាស្រករក្រោយប៉ុន្មានឡើយ យ៉ាងណាមិញពេលនេះក្រៅពីមមាញឹកក្នុងការថតសម្អាងការ MV តារាសម្តែងកូនពីររូបនេះ កំពុងមមាញឹក ថតរឿងភាគរបស់ទូរទស្សន៍ហង្សមាសក្នុងតំណែងជាតួធំផងដែរ ។

នៅមិនទាន់មានការទម្លាយពីចំណងជើងរឿងដែល សឿ សុធារ៉ា កំពុងថតឡើយ ព្រោះចង់ទុកឱ្យមហាជន ជាពិសេសអ្នកគាំទ្ររូបនាងមានការ Surprise។ ក្នុងនោះ ក៏មានការបង្ហើបថា រឿងនេះមានការចូលរួមសម្តែងពីសំណាក់តារាចម្រៀងនៅក្នុងផលិតកម្មជាច្រើនរូប ដែលមានដូចជា លោក ដួង វីរៈសិទ្ធ និង សំ សុវណ្ណារ៉ាក់ ជាតួប្រុស ជាពិសេសលោក ញ៉ែម សុគន្ធ ជាដៃគូចាស់កន្លងមក។

ដោយឡែកសម្រាប់ សឿ សុធារ៉ា មិនទាន់មានការបង្ហើបថានាងសម្តែងជាតួអង្គអ្វីនៅឡើយទេ គ្រាន់តែដឹងថាកន្លងមក សឿ សុធារ៉ា ធ្លាប់ប្រកាន់ជំហរថា បើមិនមែនជាតួឯកនាងមិនទទួលសម្តែងឡើយ។ យ៉ាងណាមិញ មហាជនសង្ឃឹមថា រឿងថ្មីនេះ នឹងកាន់តែត្រួសត្រាយប្រជាប្រិយភាពរបស់តារាក្នុងដួងចិត្តរបស់ពួកគេ នៅក្នុងអាជីពសិល្បៈសារជាថ្មី។

បាត់មុខពីសិល្បៈប្រមាណជា ១០ឆ្នាំ តែគ្រាន់តែប្រកាសវិលចូលសម្តែងភ្លាម សឿ សុធារ៉ា នៅតែទទួលការងារថ្មីៗជាបន្តបន្ទាប់ដែលធ្វើឱ្យនាងកាន់តែមានអារម្មណ៍រីករាយ ហើយសម្រេចថានឹងវិលចូលមកក្នុងអាជីពនេះឱ្យពេញទំហឹងតែម្តង ៕

រូបថត ៖ ហ្វេសប៊ុក