អ្នកណាមិនរំភើប! កែវ ផល្លីកា ត្រូវមិត្តភក្តិពញ្ញាក់អារម្មណ៍ ក្នុងថ្ងៃខួបកំណើត

មិនខុសពីរៀងរាល់ឆ្នាំឡើយពិធីការិនីរូបរាងតូចស្រឡូន កែវ ផល្លីកា តែងទទួលបានការ Surprise ពីសំណាក់មិត្តភក្តិនៅក្នុងថ្ងៃខួបកំណើត ដែលមានទាំងបាច់ផ្កា និង នំខួបកំណើតជាបន្តបន្ទាប់ ធ្វើឱ្យនាងរំភើបជាខ្លាំង ។

បើទោះមិនដែលរៀបចំពិធីខួបកំណើតបែបអធិកអធមដូចតារាដទៃក្តី កែវ ផល្លីកា តែងតែទទួលបានការជូនពរពីសំណាក់មិត្តភក្តិ រួមជាមួយនឹងវត្ថុអនុស្សាវរីយ៍ជាច្រើនពីសំណាក់មិត្តរួមអាជីព ដូចជាស្រីស្អាត ឃឹម ចរិយា ហេង កែវនីតា និង លោក យឹម ណារ៉ា ជាដើម ។ ថ្វីដ្បិតជាការរៀបចំបែបសាមញ្ញៗ តែមើលទៅពិធីការិនី កែវ ផល្លីកា ហាក់ពេញចិត្ត និង មានសេចក្តីសុខជាខ្លាំងចំពោះថ្ងៃពិសេសរបស់ខ្លួន ។

វ័យចេះតែកើនទៅមុខ តែពិធីការិនី រូបស្រស់ កែវ ផល្លីកា ហាក់មិនមានការបង្ហាញមុខមាត់គូស្នេហ៍ដូចមិត្តភក្តិនោះទេ នាងត្រូវបានគេចាត់ទុកជាតារាស្រីដែលមានការនិយមតុបតែងខ្លួនបែបសុភាពៗគួរឱ្យ ស្រឡាញ់ មួយវិញទៀតនាងក៏មិនដែលពើបប្រទះរឿងអាស្រូវស្នេហាដូចតារាដទៃដែរ ៕