៤០ ឆ្នាំហើយ តែស្លៀកមួយឈុតនេះ ខាត់ សុឃីម ស្អាតខ្លាំងឡើងកំប្លង់ៗ

បើគិតមកដល់ពេលនេះតារាពហុជំនាញ ខាត់ សុឃីម មានវ័យប្រមាណជា ៤០ ឆ្នាំហើយ តែប្រជាប្រិយភាព និង រូបសម្រស់របស់នាងហាក់មិនស្រកស្រុតនោះទេ ហើយក្រោយពីសំងំហាត់ប្រាណសម្រករាង គេសង្កេតឃើញថាតារាស្រីរូបនេះមើលទៅកាន់តែស្អាតប្លែក ជាពិសេសជាមួយនឹងរូបសម្រស់ក្នុងឈុតរ៉ូបពណ៌ខ្មៅមួយដែលនាងបានបង្ហោះចូលបណ្តាញសង្គមថ្មីៗនេះ ។

ឈុតរ៉ូបមួយនោះបានធ្វើឱ្យ ខាត់ សុឃីម កាន់តែស្រស់ស្អាត និង លើកសម្រស់នាងឱ្យមើលទៅឃើញក្មេងជាងវ័យ ពិសេសជាមួយនឹងការតុបតែងមុខដោយស្នាដៃ ខាត់ ណាចា ជាប្អូនស្រីទៀត ក៏កាន់តែបានធ្វើឱ្យ ខាត់ សុឃីម ទទួលបានការសរសើរពីសំណាក់មហាជនស្ទើរគ្រប់គ្នាថានាងឡើងកំប្លង់ៗស្អាតប្លែក ក្រោយពីស្រកគីឡូ ។

ដោយសារកូវីដ ១៩ ការងារសិល្បៈរបស់ ខាត់ សុឃីម ហាក់មិនសូវមមាញឹកខ្លាំងប៉ុន្មានឡើយ តែ ឮសម្រាប់ចុងឆ្នាំនេះ ខាត់ សុឃីម  ក៏ត្រៀមនឹងលេចមុខនៅក្នុងរឿងភាគថ្មីរបស់ទូរទស្សន៍ហង្សមាស ដែលមានលោក ដួង វីរៈសិទ្ធិ និង ឌី សូនីត្តា ជាតួឯក ត្រៀមចាក់បញ្ចាំងនៅក្នុងពេលខាងមុខនេះ ៕