កូនប្រុសច្បងតារាថៃ Ken អាយុទើប ១២ ឆ្នាំពេញកំលោះស្ដូក ឯរូបរាងក៏សង្ហាកាត់តាមឪពុក

តារាថៃជើងចាស់ Ken Theeradej ធ្លាប់ក្ដោបបានប្រជាប្រិយភាពពីសំណាក់ទស្សនិកជនយ៉ាងច្រើនតាមរយៈបង្ហាញមុខក្នុងខ្សែភាពយន្តភាគថៃផ្សេងៗ ដែលបច្ចុប្បន្នលោកកំពុងរស់នៅសាងគ្រួសារយ៉ាងមានសុភមង្គលជាមួយអ្នកសិល្បៈដូចគ្នាគឺតារាសម្ដែង Butsakorn នៅឆ្នាំ ២០០៧ ដោយចំណងអាពាហ៍ពិពាហ៍របស់ពួកគេ ទទួលបានតំណក់ឈាមកូនប្រុស ២ នាក់ ។

អាចនិយាយបានថា Ken ជាតារាប្រុសដែលល្បី និង មានរូបរាងស្រស់សង្ហាមួយរូបក្នុងសង្គមសិល្បៈថៃ បើទោះជាបច្ចុប្បន្ន លោកមានវ័យ ៤២ ឆ្នាំហើយក៏មើលទៅនៅតែស្អាត សង្ហា និង មានមន្តស្នេហ៍មិនចាញ់កាលពីកំលោះប៉ុន្មានទេ ។

គេថាស្លឹកឈើច្រើនតែជ្រុះមិនឆ្ងាយពីគល់ តួយ៉ាងងាកទៅមើលកូនប្រុសច្បងរបស់តារាថៃ Ken Theeradej កំពុងធំពេញវ័យ ហើយរូបរាងក៏សង្ហា ទម្រង់មុខស្អាតបាតមិនចាញ់ឪពុកប៉ុន្មានទេ ។ កូនប្រុសច្បងតារាជើងរូបនេះមានឈ្មោះ Kun បច្ចុប្បន្នទើបតែមានអាយុ ១២ ឆ្នាំប៉ុណ្ណោះ តែកម្ពស់កម្ពរខ្ពស់ជិតស្មើឪពុកទៅហើយ ចំណែកឯមុខមាត់ សម្ដីសំដៅក៏សមសួនល្អ ធ្វើឱ្យអ្នកគាំទ្រនារីៗចាប់អារម្មណ៍ព្រាត ៕