សេង រដ្ឋា Miss Grand Cambodia 2020 បង្ហោះសារចាក់ដោតលើកដំបូង ក្រោយគ្រងមកុដថ្មីៗ

រយៈពេលប្រមាណជា ១៥ ថ្ងៃមកហើយ ក្រោយក្លាយទៅជាម្ចាស់មកុដ Miss Grand Cambodia 2020 កញ្ញា សេង រដ្ឋា ហាក់មិនសូវបង្ហាញចំណាប់អារម្មណ៍របស់ខ្លួននៅលើគនណីហ្វេសប៊ុកនោះទេ ក្រៅពីការចែករំលែកការងារ ចំណេះដឹង និង ព័ត៌មានផ្សេងៗ ។ ចំណុចនេះដែរ បានធ្វើឲ្យមហាជនអ្នកគាំទ្របានលើកឡើងថាម្ចាស់មកុដ Miss Grand Cambodia 2020 រូបនេះ ហាក់ប្លែកពី Miss Grand ជ័យលាភីរងដទៃទៀត ដែលតែងតែចែករំលែកពីចំណាប់អារម្មណ៍ផ្ទាល់ខ្លួនទៅលើរឿងរ៉ាវជុំវិញការប្រកួតនេះ ។

យ៉ាងណាមិញ នៅថ្ងៃទី ០៩ ខែតុលា ឆ្នាំ ២០២០ នេះ ស្រាប់តែកញ្ញា សេង រដ្ឋា បានបង្ហោះរូបភាព និង សារដ៏ខ្លីនៅលើគណនីហ្វេសប៊ុករបស់នាង ហាក់ទទួលបានការចាប់អារម្មណ៍ និង ពេញចិត្តយ៉ាងខ្លាំង ដោយសារនោះអានហើយពិតជាមានន័យមិនធម្មតាឡើយ ។ Miss Grand Cambodia 2020 បានសរសេរតែប៉ុន្មានម៉ាត់ប៉ុណ្ណោះថា «ចេះក្រែងចិត្តអ្នកដទៃជាការល្អ» ៕