ឡូយណាស់! ឆន សុវណ្ណារាជ សប្បាយអរនឹងកាដូខួបឆ្នាំថ្មី បានមកខ្ជាក់ៗដូចភ្លៀងកំពុងធ្លាក់

កាលពីថ្ងៃទី ១០ ខែតុលា ឆ្នាំ ២០២០ កន្លងទៅនេះ គឺជាថ្ងៃខួបកំណើតរបស់តារាចម្រៀងក្នុងផលិកម្មរស្មីហង្សមាស ឆន សុវណ្ណារាជ ដោយស្របគ្នានោះគេកត់សម្គាល់ឃើញមានការជូនពរ និង ពញ្ញាក់អារម្មណ៍យ៉ាងច្រើនពីអ្នកគាំទ្រ មិត្តភក្តិ និង ក្រុមគ្រួសារ ។

ឆ្នាំនេះមិនខុសពីឆ្នាំមុនៗឡើយ តារាចម្រៀង ឆន សុវណ្ណារាជ ទទួលបានកាដូជាច្រើនពីសំណាក់អ្នកគាំទ្រ មិត្តភក្តិ និង ក្រុមគ្រួសារ ដោយក្នុងនោះមានទាំងនំខួប បាច់ផ្កា ការជូនពរ និង កាដូធំនោះគឺលុយសុទ្ធទាំងបាច់ ១ ម៉ឺនដុល្លារ ព្រមទាំងចិញ្ចៀនពេជ្រយ៉ាងធំមួយវង់ទៀត ។

ជាមួយការទទួលបានកាដូជាច្រើននេះ តារាចម្រៀង ឆន សុវណ្ណារាជ ក៏បានបង្ហាញអារម្មណ៍រំភើបសប្បាយរីកថ្លើមយ៉ាងខ្លាំងលើបណ្តាញសង្គម ដោយក្នុងលោកថែមទាំងបានសរសេរសារបង្ហោះទៀតថា “ឆ្នាំនេះខួបកំណើតមានន័យណាស់ រំភើប ឆ្នាំក្រោយៗសុំទៀតចឹងមកណា ច្រើនជាងនឹងទៀតក៏អត់ថាអីដែរ ?????? អរគុណខ្លាំងណាស់” ៕