ខួបកំណើតឆ្នាំនេះ ឆន សុវណ្ណរាជ ទិញវីឡាភ្លោះផ្ទាល់ខ្លួន បានកាដូលុយ ១ ម៉ឺនដុល្លារ និងចិញ្ចៀនពេជ្រ

កាលពីថ្ងៃទី ១០ ខែតុលា ឆ្នាំ ២០២០ កន្លងទៅនេះ តារាចម្រៀងប្រចាំផលិតកម្មរស្មីហង្សមាស ឆន សុវណ្ណារាជ ហាក់រំភើបរីករាយយ៉ាងខ្លាំងក្នុងថ្ងៃកំណើតដ៏មានន័យ ដោយមានការជូនពរ និង ពញ្ញាក់អារម្មណ៍យ៉ាងច្រើនពីអ្នកគាំទ្រ មិត្តភក្តិ និង ក្រុមគ្រួសារ ។

អ្វីកាន់តែពិសេសនោះ កាលពីថ្ងៃកំណើតនោះតារាចម្រៀង ឆន សុវណ្ណារាជ ទទួលបានកាដូធំៗជាច្រើន ដោយមានដូចជាលុយសុទ្ធទាំងបាច់ ១ ម៉ឺនដុល្លារ ព្រមទាំងចិញ្ចៀនពេជ្រយ៉ាងធំមួយវង់ទៀតផង ។

យ៉ាងណាមិញ ស្រាប់តែរំលងថ្ងៃកំណើតប៉ុន្មានថ្ងៃសោះ នៅថ្ងៃទី ១២ ខែតុលា ឆ្នាំ ២០២០ នេះ ស្រាប់តែតារាចម្រៀងរូបនេះ បានបង្ហោះវីឡាភ្លោះដ៏ស្កឹមស្កៃ ដោយលោកបានទិញដើម្បីជាកាដូថ្ងៃកំណើតរបស់ខ្លួនទៀតផង។ លោកបានបង្ហោះសារភ្ជាប់នឹងរូបភាពទៀតថា «ស្វាគម៍សមាជិកថ្មី ហើយចំពេលខួបកំណើតល្មម ផ្លូ វ 60m យើងនឹងជិតកន្លែងធ្វើការ។ កាដូសំរាប់ខ្លួនឯងឆ្នាំនេះ ស្រលាញ់ពេកយកមួយគូហ្មងទៅ កុំឲ្យរំខានអ្នកជិតខាង ចង់មានចង់បានទាល់តែខំរកលុយ នឹងសន្សំ លុយមិនងាយរត់រកមនុស្សនោះទេ ពេលវេលាជាមាសប្រាក់ យកពេលវេលាមកធ្វើរឿងមានប្រយោជន៍ទើបយើងទទួលបានប្រយោជន៍មកវិញ ខួបកំណើតមានន័យ អំពើល្អមិនសាបសូន្យ»។

កាដូនេះដែរ បានធ្វើឲ្យមហាជនអ្នកគាំទ្រលាន់មាត់គ្រប់គ្នាថា ខួបកំណើត ឆន សុវណ្ណរាជ ឆ្នាំនេះពិតជាពិសេសប្លែកជាងឆ្នាំមុនៗមែន៕