សម្រាកជាង ១ ឆ្នាំឥលូវ ពេជ្រ សូលីកា ចាប់ផ្តើមចេញបទចម្រៀងថ្មីហើយ!

ក្រោយពេលសម្រាករយៈពេលជាងមួយឆ្នាំ ពេលនេះតារាចម្រៀង ពេជ្រ សូលីកា ចាប់ផ្តើមវិលមកកាន់ក្បាលមេក្រូម្តងទៀតដែល​បទចម្រៀងថ្មីរបស់នាងត្រៀមនឹងចេញជាបន្តបន្ទាប់ នៅក្នុងពេលឆាប់ៗ ខាងមុខនេះ ។

«ម្នាក់នេះមិនមែនយើង» គឺជាបទចម្រៀងថ្មីរបស់ ពេជ្រ សូលីកា ដែលត្រៀមនឹងវាយលុកបំបែកភាពស្ងប់ស្ងាត់។ អ្វីដែលចាប់អារម្មណ៍ គ្រាន់តែដឹងថាតារាចម្រៀងរូបស្រស់ម្នាក់នេះ ត្រៀមចេញបទចម្រៀងថ្មី អ្នកគាំទ្រជាច្រើនរបស់នាងបានបង្ហាញនូវភាពរីករាយ និង ទន្ទឹងរង់ចាំសឹងតែគ្រប់ៗគ្នា។

ពេជ្រ សូលីកា កាន់តែមានអារម្មណ៍រំភើប ដោយឃើញកពីសន្ទុះនៃការគាំទ្ររបស់នាង នៅតែមានបែបនេះ។ បើតាមប្រភពអ្នកដែលជិតដិតជាមួយនឹង ពេជ្រ សូលីកា បានឱ្យដឹងថាឆាប់ៗនេះ ពេជ្រ សូលីកា ត្រៀមចេញបទចម្រៀងថ្មីៗ រួមនឹងរឿងភាគលើ​កញ្ចក់ទូរទស្សន៍ហង្សមាសទៀតផង។

មិនមែនជាឧបសគ្គអ្វីឡើយ បើទោះបីមានកូនតូចជាប់ដៃក៏ពិតមែនតែ ពេជ្រ សូលីកា នៅតែស្រស់ស្អាត ជាពិសេសថ្មីៗនេះនាងកាន់តែងាកមកបន្ថែមស្ទីលនៃការរៀបចំខ្លួន ដែលមើលទៅកាន់តែលេចធ្លោ និង ទាក់ទាញថែមមួយកម្រិតទៀត៕

រូបថត ៖ ហ្វេសប៊ុក