ប្រឡូកសិល្បៈច្រើនឆ្នាំ ស៊ិន យូប៊ីន ទើបសម្តែងជាតួបែបនេះលើកដំបូង!

ជាច្រើនឆ្នាំក្នុងវិស័យសិល្បៈ ស៊ិន យូប៊ីន នៅតែជាតារាសម្តែងដែលមានប្រជាប្រិយភាពខ្ពស់ ហើយថ្មីៗនេះ នាងក៏កំពុងលេចមុខនៅក្នុងរឿងភាគរបស់ទូរទស្សន៍មួយ។

អ្វីដែលគួរឱ្យចាប់អារម្មណ៍ នេះជាលើកដំបូង ដែលតារាសម្តែងរូបស្រស់ ស៊ិន យូប៊ីន បានសម្តែងជាតួកាចឆ្នាស់នៅក្នុងរឿង «ព្រហ្មលិខិតលំអៀង» ដែលជារឿងភាគរបស់ទូរទស្សន៍ភីអិនអិន ដោយនាងសម្តែងជាតួឯករួមជាមួយលោក ណាខុន ក្រោយពីអាកខានការសម្តែងរួមគ្នាប្រមាណជាបួនឆ្នាំមកហើយ។

ថ្វីដ្បិតមិនដែលសម្តែងជាតួបែបនេះក៏ពិតមែន តែមិនមានអ្វីជាការលំបាកទេ ស៊ិន  យូរប៊ីន រំពឹងថាមហាជន និង ប្លែកអារម្មណ៍សម្រាប់រសជាតិថ្មី នៅក្នុងការសម្តែងលើកនេះ។ មិនតែប៉ុណ្ណោះ រឿងនេះទើប នឹងចាប់ផ្តើមក្រុងពាលីថត កាលពីថ្ងៃទី ១២ ខែតុលា ឆ្នាំ២០២០ ម្សិលមិញនេះ ហើយបើតាមគម្រោងរឿងភាគនេះ នឹងដំណើរការថតរហូតដល់ទៅជាងបួនខែឯណោះ។

គួរឱ្យដឹងថា ស៊ិន យូប៊ីន នៅតែលេចធ្លោនៅក្នុងចំណោមតារាសម្តែងជាច្រើន។ យ៉ាងណាមិញ នៅក្នុងឆ្នំា ២០២០ នេះ ស្រីស្អាតរូបនេះក៏លេចមុខនៅក្នុងការសម្តែងរឿងមួយចំនួន រួមនឹងស្ប៉តពាណិជ្ជកម្មធំៗជាច្រើន ដោយមានការបង្ហើបថា ក្នុងមួយ​ខែៗ ស៊ិន យូប៊ីន អាចរកចំណូលបានក្បែរម៉ឺនដុល្លារ៕

រូបថត៖ ហ្វេសប៊ុក