អីយ៉ាស់! បេនី យ៉ាំង បង្ហោះរូបមួយសន្លឹក អ្នកគាំទ្រសង្ស័យព្រាតថានាងកំពុងមានកូន?

ទោះបីជាមិនទាន់ចូលរោងការតាមប្រពៃណីខ្មែរក៏ពិតមែន តែអតីតតារាសម្តែងរូបស្រស់សិចស៊ី បេនី យ៉ាំង បានធ្វើឱ្យអ្នកគាំទ្រមានការចាប់អារម្មណ៍ជាខ្លាំងក្រោយពីនាងបានបង្ហាញពីសុភមង្គលនៃទំនងទំនងរបស់នាង និង គូស្នេហ៍យ៉ាងផ្អែមល្ហែម ។

ជាងនេះទៅទៀត រយៈពេលចុងក្រោយនេះ បេនី យ៉ាំង កាន់តែបើកចំហពីចំណងស្នេហ៍របស់នាងកាន់តែខ្លាំងឡើងទៀតផង ហើយថ្មីៗនេះនាងបានបង្ហាញរូបភាពមួយសន្លឹក បានធ្វើឲ្យមហាជនអ្នកគាំទ្រ និង អ្នកលេងបណ្តាញហ្វេសប៊ុកជាច្រើនភ្ញាក់ផ្អើល ព្រមទាំងសង្ស័យថាតារាស្រីរូបស្រស់នេះហាក់បោះដំរួយចង់បានកូន ឬ ក៏កំពុងពពោះផង ។

មូលហេតុដែលធ្វើឲ្យមានការសង្ស័យនេះ ព្រោះរូបភាពមួយសន្លឹកនោះ បេនី យ៉ាំង បានបង្ហាញនូវថ្នាំ និង អាហារបំប៉នថែទាំសុខភាពស្ត្រីមានផ្ទៃពោះ ។ លើសពីនោះនាងក៏បានសរសេរពាក្យថា «អាហារបំប៉ន ប្រចាំថ្ងៃរបស់ខ្ញុំ» ។

ទោះយ៉ាងណាក៏ដោយ តារាស្រីរូបនេះហាក់មិនទាន់បង្ហើបច្បាស់នៅឡើយនោះទេថាការសង្ស័យរបស់មហាជនអ្នកគាំទ្រគឺជាការពិត ឬ យ៉ាងណានោះ ព្រោះតែរាល់ការខមមិនសាកសួរខ្លះ នាងបានឆ្លើយតបថាមិនទាន់មាន ហើយខមមិនខ្លះទៀតនាងបានអរគុណដល់អ្នកអបអរ ដែលនាមជូនពរនាង ៕