វ៉ាវ! តារាចម្រៀង នាង គន្ធា កាន់តែស្អាត ឯស្ទីលតុបតែងខ្លួនទាក់ទាញមិនធម្មតា

កាន់តែមានឈ្មោះបោះសំឡេង ពេលនេះតារាចម្រៀងវ័យក្មេង នាង គន្ធា កាន់តែមានរូបសម្រស់ស្រស់ស្អាត ហើយស្ទីលនៃការរៀបចំខ្លួនរបស់នាងក៏ទាក់ទាញ និង ទាន់សម័យជាងមុនដែរ។ ថ្មីៗនេះ នាងក៏បានពត់តម្រង់ធ្មេញ ដែលធ្វើឱ្យទម្រង់មុខរបស់តារាចម្រៀងរូបនេះកាន់តែប្លែកថែមមួយកម្រិតទៀត ។

ថ្វីដ្បិតមិនសូវមានសកម្មភាពសិល្បៈនៅតាមកម្មវិធីតន្ត្រីដោយសារកូវីដ ១៩ ក៏ពិតមែនតែ នាង គន្ធា បានចេញបទចម្រៀងថ្មីៗជាបន្តបន្ទាប់ដើម្បីតម្រូវចិត្តអ្នកគាំទ្រផងដែរ។ ក្នុងនោះ មានបទចម្រៀងខ្លះ នាងក៏បានចាប់ដៃគូជាមួយប្អូនប្រុសលោក មាស សាលី គឺលោក វេហាស៍។

ក្រៅពីមានទឹកដមសំឡេងពីរោះ នាង គន្ធា ក៏ត្រូវអ្នកគាំទ្រជាច្រើន បានចាប់អារម្មណ៍ចំពោះរូបសម្រស់របស់នាង ដែលប្រែប្រួលប្លែកស្អាតជាងមុន ពោលគឺ បើប្រៀបធៀបទើបចូលសិល្បៈដំបូងៗ ឃើញថាខុសគ្នាដូចមេឃនិងដីតែម្តង។

គេចាំបានថា ទោះបីមិនទទួលជ័យលាភី នៅក្នុងកម្មវិធីប្រលងចម្រៀងរបស់ទូរទស្សន៍ហង្សមាសក៏ពិតមែន តែមិនបានធ្វើឱ្យតារាចម្រៀង នាង គន្ធា បាក់ទឹកចិត្តឡើយ ក្នុងការសម្រេចក្តីស្រមៃរបស់ខ្លួនឡើយ។ នាងបានក្ដោបឱកាសហក់ចូលនៅក្នុងផលិតកម្មសាន់ដេ ដោយបានចេញបទចម្រៀងជាបន្តបន្ទាប់ ហើយបទដំបូងដែលធ្វើឱ្យប្រជាប្រិយភាពនាងកាន់តែកក្រើកនោះគឺបទ «បេះដូងស្រវឹង» ៕

រូបថត ៖ហ្វេសប៊ុក