តិចច្រឡំ! នូ ឧសភា តែងខ្លួនដូច Joker ផ្ទុះការចាប់អារម្មណ៍ខ្លាំង (វីដេអូ)

អ្នកធ្លាប់បានទស្សនាខ្សែភាពយន្ត Joker ប្រាកដជាចាំច្បាស់នូវរូបរាង មុខមាត់ និង ការតុបតែងខ្លួនរបស់តួអង្គនេះជាក់ជាមិនខាន ដោយមានលក្ខណៈជាថ្លុកកំប្លែង តែបានបង្កប់នូវភាពសោកសៅពីក្រោយការតុបតែងមុខបែបនោះ ។

តួអង្គ Joker នេះដែរ ក៏ត្រូវបានអ្នកទស្សនា និង តារាមួយចំនួនបានយកស្ទីលនៃការតុបតែងខ្លួនដ៏ចម្លែកមួយនេះមកតុបតែង ដើម្បីជាការបង្ហាញពីការចូលចិត្តខ្សែភាពយន្ត និង តួអង្គក្នុងរឿងនេះទៀតផង ។

ជាក់ស្តែងថ្មីៗនេះ តារាសម្តែង និង តារាចម្រៀងស្រស់សង្ហា នូ ឧសភា ក៏បានបង្ហោះវីដេអូខ្លី និង រូបភាពរបស់លោក ដែលបានតុបតែងខ្លួនដូចទៅនឹងតួអង្គខាងលើនេះ គ្រាន់តែមើលមួយភ្លែតពិតជាស្រដៀងតួអង្គពិតខ្លាំងណាស់ ។

យ៉ាងណាមិញ ការតុបតែងខ្លួនរបស់ នូ ឧសភា ក្នុងឈុតនេះ លោកក៏មិនទាន់បានបញ្ជាក់នៅឡើយនោះទេ ថាសម្តែងនៅក្នុងកម្មវិធីអ្វីនោះឡើយ ៕