វ៉ាន់ វល័ក្ខ ចាយរាងសិចស៊ីមួយចាស់ដៃ អត់ខ្វល់ការរិះគន់

ដោយសារតែមានរូបសម្រស់ស្រស់ស្អាត ជាពិសេសរូបរាងតូចស្រឡូនពីធម្មជាតិ បានធ្វើឱ្យតារាសម្តែង វ៉ាន់ វល័ក្ខ មិនខ្លាចនឹងបង្អួតភាពសិចស៊ីនៅក្នុងឈុតសម្លៀកបំពាក់ទាន់សម័យ ឃើញហើយពិតជាគួរឱ្យក្នាញ់តែម្តង ។

ចុងក្រោយនេះ វ៉ាន់ វល័ក្ខ កាន់តែត្រូវប៉ាន់នៅក្នុងការងារសិល្បៈដោយនាងលេចមុខជាបន្តបន្ទាប់នៅក្នុងការសម្តែងរឿងភាគទូរទស្សន៍ ហើយអ្វីដែលគួរឱ្យសរសើរស្រីស្អាតរូបនេះទទួលសម្តែងមិនថាតួរង ឬ តួឯកឡើយ ។ វ៉ាន់ វល័ក្ខ ត្រូវបានគេចាត់ទុកជាតារាសម្តែងដែលនិយមលេងស្ទីលសិចស៊ី បញ្ចេញដើមទ្រូងទ្រលុកទ្រលន់ ជាពិសេសរូបរាងតូចស្រឡូន ដែលឃើញហើយពិតជាទាក់ទាញជាខ្លាំងហើយក៏មានបុរសជាច្រើនប្រាថ្នាចង់បាននាងជាគូស្នេហ៍ ។

អាជីពសិល្បៈកាន់តែរីកត្រដែត វ៉ាន់ វល័ក្ខ កាន់តែមានជីវភាពរស់នៅហ៊ឺហាជាខ្លាំង ដែលមួយរយៈមុននាងបានបង្ហាញសមាជិកថ្មីគ្រាក់ៗដូចជារថយន្តទំនើបតម្លៃជាង ២០ ម៉ឺនដុល្លារ និង វីឡាធំស្កឹមស្កៃតម្លៃជិតកន្លះលានដុល្លារ ធ្វើឱ្យមិត្តភក្តិរួមអាជីពបើកភ្នែកធំៗជាខ្លាំង ។

អ្វីដែលចាប់អារម្មណ៍បើទោះមិនទាន់បង្ហាញមុខមាត់គូស្នេហ៍ជាចំហរ តែ វ៉ាន់ វល័ក្ខ ត្រូវបានមិត្តភក្តិគ្រប់គ្នាហៅនាងថាជាជំទាវៗ ដែលគេសង្ស័យថាគូស្នេហ៍នាងអាចជាអ្នកមានមុខមាត់នៅក្នុងសង្គម ៕

រូបថត ៖ ហ្វេសប៊ុក