ហេង កែវនីតា ត្រូវមិត្តភក្ដិជាច្រើន ធ្វើរឿងមួយនេះក្នុងថ្ងៃកំណើត

វ័យកាន់តែកើន តែប់ើនិយាយសម្រស់របស់ ហេង កែវនីតា ពីមួយថ្ងៃទៅមួយថ្ងៃ  កាន់តែមានសម្រស់ស្រស់ស្អាត ហើយការតុបតែងខ្លួន ក៏ទាន់សម័យ និង សិចស៊ីទៀតផង។ ក្រៅពីពិធីការិនី ហេង កែវនីតា ក៏បានងាកមកចាប់អាជីព ដែលកំពុងតែពេញនិយម គឺការលក់ផលិតផលនានាតាមអនឡាញ។

ឥលូវនេះ យើងក្រឡេកមកមើលរឿងឯកជន របស់ពិធីការិនីរូបស្រស់នេះវិញ នៅក្នុងឆ្នាំនេះ ថ្វីដ្បិតមិនបានរៀបចំពិធីខួបកំណើតជាលក្ខណៈធំដុំអធិកអធមក៏ពិតមែន តែ ហេង កែវនីតា បានទទួលការ Surprise នំខួបកំណើតជាបន្តបន្ទាប់ពីសំណាក់​មិត្តភក្តិស្និទ្ធស្នាល ចាប់តាំងពីមុនថ្ងៃខួបកំណើតរហូតមក ដែលធ្វើឱ្យនាងរំភើបចិត្តជាខ្លាំងនៅក្នុងថ្ងៃពិសេសនេះ។

រហូតមកដល់ពេលនេះ ពិធីការិនីរូបស្រស់ ហេង កែវនីតា ទទួលបាននំកំណើតដ៏ស្រស់ស្អាត រួមនឹងពាក្យពេចន៍ជូនពរជាច្រើន​ពីមិត្តភក្តិ អ្នកគាំទ្រ ជាពិសេសពីសំណាក់លោក យឹម ណារ៉ា ដែលធ្លាប់មានការសង្ស័យថាអ្នកទាំងពីរជា គូស្នេហ៍នឹងគ្នាផងនោះ។

មហាជន មានការចាប់អារម្មណ៍ថា ស្រីស្អាតរូបនេះ តែងតែទទួលបានស្រឡាញ់ពីបណ្ដាមិត្តក្នុងសិល្បៈជាច្រើន៕

រូបថត ៖ ហ្វេសប៊ុក