កូន ២ ទៅហើយ តែកុំមើលសម្រស់ មួយមួយ នៅតែទាក់ទាញខ្លាំងគ្មានប្រែ
បាត់មុខពីសិល្បៈមួយរយៈ ពិធីការិនីរូបស្រស់ មួយមួយ មានកូនពីរនាក់ទៅហើយ តែអ្វីដែលចាប់អារម្មណ៍គ្រាន់តែសម្រាលកូនទីពីររឹងដៃរឹងជើងភ្លាម អតីតពិធីការិនីរូបនេះបានងាកមកថែសម្រស់ និង លេងខ្លួនយ៉ាងស្អាតខ្ញង់ក្រមុំល្មមៗសុំចាញ់ ។
ក្រោយសម្រាលកូនទីពីររួច មួយមួយ ហាក់មិនថមថយសម្រស់ទេ ផ្ទុយទៅវិញនាងកាន់តែស្រស់ស្អាតបើទោះបីមានរូបរាងឡើងគីឡូជាងមុនបន្តិចក្តី ។ ក្នុងនោះក៏មានការសរសើរពីសំណាក់មិត្តរួមអាជីពស្ទើរគ្រប់គ្នាដល់អតីតពិធីការិនីរូបនេះ ដែលពូកែថែសម្រស់ និង សាច់បានចាំស្អាតបែបនេះ ។ បន្សាត់ខ្លួនចេញពីសិល្បៈជាច្រើនឆ្នាំតែ មួយមួយ តែងចូលរួមនៅក្នុងកម្មវិធីរបស់មិត្តភក្តិមិនដែលខានឡើយ ។ សម្រស់នៅតែស្អាត និង ទាក់ទាញមិនប្រែប្រួលពីមុនក្តី តែ មួយមួយ មិនមានបំណងវិលមកសន្សំលុយកាក់ល្អិតតាមរយៈអាជីពសិល្បៈដូចមុនទៀតទេ ។
មានកូនស្រីដល់ទៅពីរនាក់ក៏ពិតមែន តែ មួយមួយ មិនដែលបង្ហាញពីមមុខមាត់ និង អត្តសញ្ញាណរបស់ស្វាមីឡើយ សូម្បីតែគម្រោងរៀបការក៏នាងមិនដែលបង្ហើបដែរ ហើយព្វថ្ងៃនាងកំពុងរស់នៅយ៉ាងមានក្តីសុខក្នុងជីវភាពយ៉ាងហ៊ឺហា តែយ៉ាងណានាងមិនទុកពេលទំនេរឡើយ នាងបានងាកមកលក់អាហារគ្រប់ប្រភេទនៅតាមអនឡាញ ដែលកំពុងទទួលបានការគាំទ្រពីសំណាកអតិថិជនជាច្រើន ៕
