នរណាមិនសរសើរ បើ ឡុង ថាវរី រាងហំស្អាតភ្លឹងបែបហ្នឹង!

ក្រោយពីស្ងប់ស្ងាត់មួយរយៈពេលនេះតារាសម្តែងរូបស្រស់ ឡុង ថាវរី ចាប់ផ្តើមសកម្មភាពសិល្បៈបណ្តើរៗឡើងវិញ ដោយក្នុងនោះគេសង្កេតឃើញថាត្រលប់ជាថ្មីតារាសម្តែងរូបនេះកាន់តែស្រស់ស្អាត ហើយនិយាយពីរូបរាងវិញពិតទាក់ទាញគួរឱ្យក្នាញ់តែម្តង ។

មានការចាប់អារម្មណ៍ជាខ្លាំងពីសំណាក់អ្នកគាំទ្រក្រោយពីបានឃើញ ឡុង ថាវវី បង្អួតរាងយ៉ាងសិចស៊ីមិនចាញ់តារាប្រទេសជិតខាង ក្រោយពីនាងបានចំណាយពេលហាត់ប្រាណមួយរយៈពេល ហើយក្នុងនោះក៏មានការសរសើរពីសំណាក់មហាជនថាអ្នកណាមិនក្នាញ់នៅពេលដែលឃើញ ឡុង ថាវវី មានរូបរាង Goal ត្រូវខ្នាតបែបនេះ មើលទៅពិតជាអេម ។ មានការលើកឡើងពីសំណាក់មិត្តភក្តិជិតដិតជាមួយតារាសម្តែង ឡុង ថាវរី ថាទម្រាំបានរូបរាងសិចស៊ីបែបនេះ ឡុង ថាវរី ចំណាយពេលហាតប្រាណ និង ព្យាយាមខ្លាំងណាស់ ។

ពេលនេះដែរ ឡុង ថាវវី បានលេចមុខជាថ្មីនៅក្នុងការថតស្ប៉តពាណិជ្ជកម្ មក្រោយពីនាងបានអាក់ខានប្រឡូកនៅក្នុងវិស័យនេះមួយរយៈពេល ។ គេចាំបានថា ឡុង ថាវរី ជាតារាសម្តែងវ័យក្មេង និង មានប្រជាប្រិយម្នាក់ នាងលេចមុខនៅក្នុងការសម្តែងរឿង និង MV ជាច្រើន តែស្ងាត់ៗនាងបែរជាចាកចេញពីការងារនេះដោយប្រាប់ថាទៅរកស៊ីជាមួយម្តាយ ។

ឡុង ថាវរី ជាតារាវ័យក្មេងដែលចូលចិត្តលេងខ្លួនសិចស៊ី និង ប្រើជីវិតរស់នៅហាយសូ ដោយនាងរស់នៅក្នុងផ្ទះវីឡា និង ជិះរថយន្តទំនើបៗមិនចាញ់តារាល្បីៗនោះទេ ៕